Napparsimasoqarnera pissutigalugu Hjulmand Nuummukanngitsuulerpoq
Danskit isikkammik arsartartut sungiusaasuat Kasper Hjulmand Nuummi soqutiginnittunut oqalugiarnissani taamaatiinnarpaa.
Isikkamik arsartartut nunanut allanut unammisartut sungiusaasuat, Kasper Hjulmand, Nuummi 3. april oqalugiarnissani taamaatiinnartariaqarsimavaa.
Jens Dresling/Ritzau Scanpix
Unicef-ip aallartitaa Kasper Hjulmand pilersaarutit naapertorlugit Nuummut tikeraartussaagaluarpoq apriilip pingajuanni, oqalugiassalluni qulequtaralugu „Kuulti ulluinnarni pilersinneqartarpoq“.
Unicef-imi Tina Damimit nalunaarut tunngavigalugu Hotel Nordbomeersoq nalunaarpoq Kasper Hjulmandip angalanissani taamaatikkaa, ilaqutariit iluanni perululluni napparsimasoqalernera pissutigalugu.
- Neriorsuivorli iluarsiiniarluni, taamaattumik piffissami allami tikeraarnissaa isumaqatigiissutigaarput. Oqaatigisinnaanngilarali qaqugu tikeraarnissani naatsorsuutigineraa.
