Sondre ajugaanermi kingorna: Taama misigisaqarnikuunngisaannarpunga
Nuanneqaaq, Sondre Slettemark Polenimi arfininngormat angusarissaarluareerluni oqarpoq. Siullermeerluni nunat tamalaat unammiuaarneranni ajugaavoq.
2-nngortoq 3-nngortorlu tamarmik tyskiusut Sondre Slettemark Jakuszycemi Polenimiittumi ajugaavoq.
Assiliisoq: Kalaallit Nunaanni Biathlon Kattuffiat
Sondre Slettemark 12 kilometerimut unamminermi ajugaammat Polenimi IBU Junior Cupimi arfininngornermi ooqattaasarnermi kalaallimik ajugaasoqarpoq.
Kalaallit Nunaanni Biathlonertartut Kattuffiat ikiortigalugu Sondre Slettemarkip nammineq angusaminik oqaluttuarnera uani atuarsinnaavat:
- Sisorarfimmi ingerlalluarsuaarpunga, aatsaallu taama ingerlalluartigalunga qularnanga oqaatigisinnaavara. aappassaanik, pingajussaanik sisamassaanillu ingerlaarnermi pikkorinnerpaat ajornaqueqanngitsumik ingerlaqatigalugillu kissaatiga malillugu ooqattaasarpunga, oqarpoq.
Unammisaq Tysklandimeersoq nakersoq
Sondre Slettemarkip arfininngornermi unammillertiginerpaasaa tassaavoq Tysklandimeersoq Linus Kesper.
– Ingerlaarnerup tallimaani Kesperilu marluinnaagatta misilittarniarlugu sukkatsippunga. Ingerlaannaq qimataavoq, ooqattaasarnermili uanniit ataatsimik eqquinerugami angugaminga 22 sekundinik pillaatisinini pinngitsoortippaa.
Taamaammat Tysklandimeersoq naggammik ingerlannginnermi sekundinik qulingiluanik siullinngorpoq, naggataagulli Sondre Slettemark pikkorinneruvoq.
– Naggammik ingerlaarnitsinni ingerlalluarpunga. Sekundit qulingiluat anngulluni naggataagullu qaangerlugu nuanneqaaq. Taamatut misiginikuunngisaannarpunga, Sondre Slettemark oqarpoq.
unga taama misigisaqanngisaannarsimallunga, oqarpoq Sondre Slettemark.
