Tai Kwon Do-mi pissartanngorniunnerit Sisimiuni aallartipput
Tai Kwon Do-mi pissartanngorniunnerit sisamanngornermi oktobarip 17-ani Sisimiuni pisortatigoortumik aallartipput. Timersortatut 108-it Paamiuneersut, Qaqortumeersut, Nuummeersut, Uummannameersut Sisimiuneersullu unammersuarnissaminnut piareerluinnarlutik aallartipput. Unammersuarnerit ulluni pingasuni ingerlassapput.
Foto: Sisimiut Timersortarfiat
Unammisartut 108-it meeqqat, inuusuttut, inersimasut utoqqasaallu unammeqataassapput. Unammersuarnerit Sisimiut Timersortarfianni akeqanngitsumik isiginnaarneqarsinnaapput.
Unnugu ammaanersiorneq
Sisamanngornermi unammineq tul aammalu hold tul unammissutigineqassapput, tassani meeqqat, inuusuttut, inersimasut utoqqasaallu nalunaaqutaq qulingiluaniit tallimat tungaanut unammissapput. Ammaanersiorneq unnugu nal. 19.30-miit 21.00 tungaanut pissaaq, tassani peqataasut pisortatigoortumik tikilluaqquneqassallutik.
Unammersuarnerit arfininngorpat 19. oktobarip tungaanut pissapput.
Angerlarsimaffimmit malinnaasoqarsinnaasoq
Unammersuarnerit Sisimiut Timersortarfiani isiginnaarneqarsinnaapput, illoqarfimmiinngikkaannilu Youtubekkut toqqaannartumik malinnaaffigineqarsinnaallutik.
