U-18 ASSAMMIK ARSARLUNI NUNARSUARMI PISSARTANNGORNIUNNEQ
U-18 arnat nunanut allanut unammisartut Kinamut unammiartornissaminnut piareerput
Arnat inuusuttut assammik arsartartut nunanut allanut unammisartut sungiusaasuat, Victoria Budek Svendsen, U-18-mi arnat Kina-mi U-18-mut assammik arsarnermi nunarsuarmi pissartanngorniunnerit qulissaanni aggustip 14-ianiit 25-ata tungaanut ingerlasussami peqataasussanik toqqaasimalereerpoq.
Arnat inuusuttut assammik arsartartut U-18-it nunarsuarmi pissartanngorniunnissami VM 2024-imi toqqarneqaqqammerput..
Nunarsuarmi pissartanngorniunneq ingerlanneqassaaq Kinami ulluni 14. - 25. august 2024.
Arnat inuusuttut U-18-meersut akornanni, nunanut allanut unammisartut sungiusaasuata, Victoria Budek Svendsen-ip, 16-nit toqqarpai, aakulu arnat inuusuttut Kalaallit Nunaat sinnerlugu peqataasussat:
- Amáunalik Geisler Møller - SAK
- Arnannguaq Berthelsen - N-48
- Bea Mathæussen Jensen - GSS
- Hannah Steenholdt Petersen - GSS
- Hannah Nielsen Kleist - SAK
- Ivaana Ravn Lennert Petersen - GSS
- Jaliina Lund Jakobsen - GSS
- Kira Brandt Petersen - GSS
- Madeline Lundbæk Bjørnestad - Furesø
- Nadia Lundblad - GSS
- Najaaja Rossen Petersen - GSS
- Najaaraq Heilmann - GSS
- Niviaq Skifte Knudsen - GSS
- Pilunnguaq Olsen Petersen - FIF
- Parma Kreutzmann - GSS
- Tukummeq Kleist Berthelsen - Ikast
Aqutsisut:
- Victoria Budek Svendsen - nunanut allanut sungiusaasoq
- Elisabeth Sørensen Budek - nunanut allanut sungiusaasup ikiortaa
- Kenneth Stage Morgenstjerne - fysio
- Kurt Lauritsen - aallartitat siulittaasuat
Nunanut allanut sungiusaasoq nuannersumik ajornartorsiuteqartoq
Tusagassiutinut nalunaarummi nunanut allanut sungiusaasup Victoria Budek Svendsenip ersersippaa, toqqagassanik aalajangiinermi ajornakusoortitsisimalluni, arnat inuusuttut amerlasuut Kalaallit Nunaat illersorniarlugu unammeqataanissamut piukkoortut piukkunnaateqartullu arlalissuusimammata:
- Kinami nunarsuatsinni pissartanngorniuunnissamut peqataasussanik imaannaasimanngilaq. Amerlasuut sakkortuumik sungiusarsimaqaat taamatuttaaq peqataarusussuseqarnitsik takutilluarlugu.
- Kinami akerassagut sakkortuniarput, taamaattumik qasujaassuseq annertooq nukittunissarlu pigisariaqarparput. Ullut qulit ingerlanerini arfineq-marloriarluta unammissaagut, taamaattumik Kina-miinnissarput sakkortussaqaaq.
- Iligiittut aallarnissarput qilanaareqaarput kiisalu inuusuttatta annertuumik misilittagaqalernissaannut periarfissaqalertussaammata, siunissaq eqqarsaatigalugu. Kalaallit Nunarput sinnerlugu sassarnissarput qilanaareqaarput, nukigullu tamakkerlugit akiuukkumaarluta, nunanut allanut unammisartut sungiusaasuat Victoria Budec Svendsen naggataatigut oqarpoq.
Kalaallit unammisassaat (Gruppe E): Danmark, Kina aammalu Kinesisk Taipei.
