U-18-it nunanut allanut unammisartut Kinamut aallannginnerminni pinnersaaserneqarput
Niviarsiaqqat U-18-it nunanut allanut unammisartut Tamattaasa pinnersaataannik, ataatsimoornermut peqataanermullu assersuutaasumik, ataasinngornermi tunineqarput. Aqqaluk Pladsimi nalliuttorsiorneq pivoq, tassanilu nunanut allanut unammisartut arfinillit sungiusaasuallu pinnersaammik holdi sinnerlugu tunineqarput.
Kalaallit Nunaanni qinngasaarisarneq akiorniarlugu suliniuteqarnermut tapersersuinermut pinnersaat Nicolai Appelimit ilusilersorneqartoq peqatigiiffimmut Tamattanut tunissutigineqarpoq.
Assammik arsartartut inuusuttut pinnersaatit Kinamut nassassavaat, tassani Kalaallit Nunaat sinnerlugu unamminerminni meeqqanullu inuusuttunullu maligassiuissallutik.
- Meeqqanut inuusuttunullu maligassiuisuullutillu takorluugaqalersitsisuugamik tunissutisiartik Kinamut nassassavaat. Taanna ataatsimoornermik peqataatitsinermullu oqariartuutaavoq. Tamarmik ilaassapput, tamannalu Tamattaasap tunaartaraa, Sacha Møller Tamattaasameersoq oqarpoq.
Fra venstre: Bea Jensen, Amáunalik Møller, Jaliina Jakobsen, Kira Brandt Petersen, Ivaana Ravn Lennert Petersen og Nadia Lundblad.
Foto: Erla Vinter
Sacha Møller naqissuserpaa ataatsimoorneq timersornermiinnaanngitsoq, inuunermini pingaaruteqartoq:
- Holdi nunarsuarmut sanilliullugu mikisuugaluarluni, anguniagaqarnissaminnut tamaviaannissaat pisariaqarpoq. Taanna Tamattaasap anersaarivaa. Taamaammat niviarsissat tamaasa pinnersaammik tunivagut. Taamaalillutik Kinami unamminermi sakkortuumi Kalaallit Nunaanniit ataatsimoortussaallutik
Pinnersaat Tamattaasami pisiarineqarsinnaapput. Sinneqartoorutit suliniummut tunniunneqassapput.
