Politiit angut 34-nik ukiulik tigusaasussaammat ujaaraat
Angut 34-nik ukiulik Ilulissani politiinit ujaarineqarpoq. Kalaallit Nunaanni Politiivisa paasiumavaat angut sumiissusersineqarsinnaanersoq.
Ilulissani politiit 34-nik ukiulik angut ujaaraat.
Assiliisoq: Kalaallit Nunaanni Politiit
OBS: Allaaserisaq politiit paasissutissaataannik amerlanerusunik ilaneqarpoq. Allaaserisaq nutarterneqarpoq marlunngornermi 22. oktober nal. 19.30.
Markus Jensen 34-nik ukiulik Ilulissani ujaarineqarpoq. Kalaallit Nunaanni Politiit Facebookimi quppernerminni taama ilisimatitsipput.
- Markus Jensen ujaarineqarpoq pinerluttoqarsimanera peqquteqartumik, politiit paasissutissiipput. Paasissutissaq ulloq ataaseq sinnerlugu ujaasereernermi saqqummiunneqarpoq.
- Ilulissani Poltiit Markus Jensen pissarsiarerusuppaat.Takuiuk imal. Ilisimaviuk sumiissinnaanersoq, taava Ilulissani Politiit attavingikkit, politiit allapput.
Ilulissani Politiip oqarasuaataa tassaavoq 70 14 22.
Markus Jensenip isikkua:
- 175 cm missaannik angissuseqarpoq
- Timimigut tuattuuvoq
- Taartunik, naatsunik nujaqarpoq
- Kingullermik takuneqarami nasaasartalimmik qaqortumik kiateqarpoq, qarlii qernertut gummersuaqarlunilu.
