SAS-ip Nuummut timmisartuussisarnissaq nutaaq uppernarsarpaa
SAS Kalaallit Nunaannut ukiorpassuarni timmisartuussisanngereerluni timmisartuussisaleqqissaaq.
SAS Kalaallit Nunaannut ukiorpassuarni timmisartuussisanngereerluni timmisartuussisaleqqissaaq.
Assiliisoq: SAS
SAS 2025-mi aasakkut Københavnimit Nuummut toqqaannartumik timmisartuussisalerniarnera septembarip qiteqqunnerani nalunaarutigineqarpoq.
Taamani timmisartortitseqatigiiffiup tamanna pisortatigoortumik uppernarsarumanngilaa, maannali pingasunngornermi tusagassiuutinut nalunaarummi uppernarsarpaa.
SAS-ip aasaanerani sapaatip-akunneranut pingasoriarluni timmisartuussisarnissaa tassani takuneqarsinnaavoq:
Timmisartuussisarnissat naatsorsuutaasut
Takussutissiaq: SAS
Timmisartuussinerit nutaat pisariaqartitsinermik annertusiartortumik matussusiissasut, SAS-imi pisortaaneq Anko van der Werff oqarpoq:
- SkyTeam aqqutigalugu Kalaallit Nunaata, Skandinaviap nunarsuarlu tamakkerlugu angalaffiusinnaasut akornanni attaveqarnerup pitsanngorsarnissaanut qilanaarpugut, pisortaaneq oqarpoq nangillunilu:
- Angallassineq nutaaq tamanna angalanermik misigisassarsiorfiusumik immikkuullarissumik piumasaqarnerujartortunut matussusiissaaq, tamannalu ilutigalugu København Skandinaviamit nunanut allanut attaveqarnermut qitiusumik attaveqarfiusutut inissisimaffianik nukittorsaassaaq.
SAS naapertorlugu timmisartuussinissap oqartussanit akuerineqarnissaa utaqqineqarpoq.
