Aallarnisaasup Vivi Fleischer-Motzfeldtip juiceerniarfiutaa nutaaq
Happy Gut, Qinngutsinni suliffeqarfiusumi
nutaami Nuuk Rental-ip illorsuani
nammineq iggaveqarpoq.
Tassani naatitat paarnallu akoorutissaqanngitsuut nutaat
issingertarpai, naleqqiunneqarsinnaasunillu atsersortarlugit, soorlu
”Saana baaj”, paarnat naatitallu isserat timip
akiuussutissaliorneranut iluaqutaasussaq, ukiakkut
nuffasertarnermut pinaveersaartitsisussaq
Aallarnisaasup Vivi Fleischer-Motzfeldtip juiceerniarfiutaa nutaaq
Happy Gut, Qinngutsinni suliffeqarfiusumi
nutaami Nuuk Rental-ip illorsuani
nammineq iggaveqarpoq.
Tassani naatitat paarnallu akoorutissaqanngitsuut nutaat
issingertarpai, naleqqiunneqarsinnaasunillu atsersortarlugit, soorlu
”Saana baaj”, paarnat naatitallu isserat timip
akiuussutissaliorneranut iluaqutaasussaq, ukiakkut
nuffasertarnermut pinaveersaartitsisussaq
- Juicet assigiinngitsut suliarisarpakka, suliffeqarfiillu sulisuminnut juicenik nutaanik ilorrisimaartitserusukkunik uannut saaffiginnittarsinnaapput, sapaatip akunneranut ataasiarlutik, pingasoriarlutik tallimariarlutilluunniit juicenik inniminniisinnaapput, Vivi Fleischer-Motzfeldt oqarpoq.
Taassuma juicet nutaamik issingikkat 12 literit igalaaminernik puullit ataasinngornermi ullaap tungaani illoqarfimmi pisisartunut nalunaaqutaq arfineq-pingasut qulingiluallu akornanni ingerlateqqammerppai.
- juicet assigiinngitsut pisartagaqartut toqqarsinnaavaat, aammali pisariaqartitaat naapertorlugit
juiceliorsinnaavunga, soorlu ukiakkut qasoqqanermik misigisimappata,
peqqiilliorpata imaluunniit sanigorsarusuppata, Vivi
Fleicher-Motzfeldt nassuiaavoq.
Puiaasat igalaamernit atoqqittarai
NP Laserip Happy
Gut-ip puiaasaatissai igalaamerngit, juicenik nutaamik issingikkanik
tunisinermi atorneqartussat, maannakkut kigartorpai. Pisartagallit
puiaasat igalaamerngit Happy Gut-imut utertittassagaat
siunniunneqarpoq.
– Avatangiisit
piujuartitsinerlu eqqarsaatigisarpakka, taamaattumillu juicenut
puiaasat igalaamerngit atortarlugit. Pisartagallit taamaalillutik
puiaasat igalaamerngit errortorsinnaavaat aamma nammineerlunga
errornissaat isumagisarusuppara, Vivi Fleischer-Motzfeldt iggavimmit
nassuiaavoq.
Taassuma iggavik pisariunngitsumik atortulersorsimavaa
naatitanut paarnanullu issingerummik, erruissummik maskiinamik,
nillataartitsivimmik, qiorfinnik aamma savinnik.
Juicetortarnikkut peqqinnerulerneq
Vivi Fleischer-Motzfeldt ukiut
arfinillit matuma siornagut peqqiilliorpoq,
katsorsarneqarsinnaanngitsumik nappaateqarnini pissutigalugu
kemortippoq, siusinaartumillu pensiuunisiaqalerluni.
– Akisussaaffimmik qanoq
tigusisinnaanerlunga peqqissutsinnullu qanoq allannguisinnaanerlunga
misissuilerpunga. Juiceliortalerpunga, naatitat paarnallu sorliit
qanoq imminnut tapertariissinnaanersut, imminnut qanoq
sunniuteqarsinnaanersut aamma peqqissutsinnut qanoq
iluaqutaasinnaanersut ilikkarpakka.
- Assersuutigalugu qasoqqaguma,
annerisaqaruma imaluunniit timikkut aseruuttoorneqaruma
iluaqutigisinnaasannik misileraasarlunga. Ukiut arfinillit
ingerlaneranni juiceliornermik ineriartortitsivunga malugisarparalu
peqqinnerulerlunga, Vivi Fleischer-Motzfeldt oqarpoq nassuiaallunilu nakorsaatitorani peqqinnerulernissaminut iluaqutigisimallugu
naggataatigullu GUX-imi timersornermut ataqatigiissaarisutut
sulilersimalluni, tassani aamma ilinniartunut minnerunngitsumillu
ikinngutiminut juiceliortarluni.
- Peqqissutsimut iluaqutaallunilu
nuannaalersitsisarmat, misilittakkakka allanut
ingerlateqqikkusullugit aalajangerpunga
septembarillu qiteqqunnerani Happy Gut ammarlugu, tassami naakkut
peqqissuugaanni, peqqissuuneq anguneqarsinnaammat, Vivi
Fleischer-Motzfeldt oqarpoq.
