Angut inuusuttoq umiatsiamik sukkalisaarluni iluliamut aportoq annaanneqartoq

Angut 21-nik ukiulik imigassartorsimalluni imaani angalanini pissutigalugu pingasunngornermi ajunaarsimasinnaavoq.

Qasigiannguit avataani umiatsiamik ajutoortoqarsimasoq politiit pingasunngornermi ullaap tungaani nal. 09.46 nalunaarfigineqartut pigaartut pisortaat Carl Sværd Sermitsiamut oqarpoq.

Angut 21-nik ukiulik, politiit naapertorlugit imigassartorsimagunartoq, sukkasuumik iluliamut aporpoq:

Illoqarfiup ungasinngisaani pisoq

- Umiatsiamik ajutoorneq illoqarfiup ungasinngisaani qujanartumik pivoq, illoqarfimmiullu ingerlaannaq iliuuseqarput, Carl Sværd oqarpoq.

Annaassiniartut 21-nik ukiulik immamit qaqippaat, tassanilu anersaartorunnaareersimavoq ikiueqqaarnerli iluaqutigalugu anersaartinneqarpoq.

Angut napparsimmavimmi ilisimmaepoq kingusinnerusukkullu Nuummut aallarunneqarluni.

Angutip peqqissusaa pillugu pigaartut pisortaat maanna oqaaseqarsinnaanngilaq, imigassartorsimallunilu angalanini ajunaassutigisimasinnaagaluarlugit.

Hashimik 2 kiilu sinnerlugu eqqusseriartoq

Qasigiannguani ajutoornerup saniatigut Nuummi mittarfimmi ilanngaaserisut angalasumi ataatsimi hashi 2 kilo sinnerlugu pingasunngornermi nassaarigaat pigaartut pisortaata oqaluttuaraa.

Angut politiinit tigusarineqarpoq, tigummigallarneqarnissaalu siunertaralugu eqqartuussivimmut ullumi sassartinneqassaaq.

Paasiniaanerup ingerlanera pissutigalugu pigaartut naalagaat pisoq pillugu sukumiinerusumik oqaaseqarsinnaanngilaq.