KL

DK

Air Greenland unammilligassalik – Timmisartorsuup minnissani taamaatiinnaraa

Air Greenlandip timmisartorsuata mittarfik marloriarlugu qulaakkaluariarlugu minngitsoorpoq.

Tuukkaq Nuummut sisamanngornermi minnissani taamaatippaa. (Assi toqqorsivimmit)
Thomas Munk Veirum Journalist
Saqqummersinneqarpoq

Timmisartuussinissamik pilersaarutit malinnissaat unammillernartoq Air Greenland nittartakkamini ilisimatitsivoq.

Timmisartuutileqatigiiffiup Atlantikoq qulaallugu timmisartorsua sisamanngornermi Nuummut minnani Københavnimut utertariaqarsimavoq.

Timmisartoq mittarfik marloariarluni qulaakkaluarpaa minnanili.

Timmisartorsuaq suli utinngitsoq angallassinissamut pilersaarutit malinnissaat unammilligassaqartoq Air Greenland nittartakkamini allappoq, sapaatip-akunnerani kingullermi silap allanngorarnera pissutigalugu angalanissamik allanngortiterisoqarluni.

- Air Greenlandip nalunngilaa eqqugaasut naammagittakatannerat paasisinnaalluarlugulu. Ingerlatsinermik suliaqartut tamarluinnarmik angalanissamut pilersaarutinik allannguiniarneq tamaviaarutigaat. Paasinnillusilu naammagittarnissarsi neriuutigaarput, timmisartuutileqatigiiffik allappoq.

Nunap iluani timmisartuussinerit aamma eqqugaapput. Air Greenlandip qaqugu timmisartuussisinnaanera paasinarsippat ilaasut tamarmik angalanissamut pilersaarutinik nutaanik nassinneqarumaartut timmisartortitseqatigiiffik aamma allappoq.

vejr nuuk erhverv atlantfly air greenland passagerer trafikprogram

Atorfiit tamaasa takukkit

– Se alle jobs

Powered by Labrador CMS