Kujalleq imigassap ammaqqinneqarsinnaanera pillugu pilersaarummik saqqummiussivoq

Kommune Kujalleq imigassap ammaqqinneqarsinnaaneranut aalajangiisuussussamik tusarniaalerpoq.

-Tusarniaanerup ingerlanerani Kommune Kujallermi illoqarfinni tamani innuttaasunik ataatsimiititsinerit ingerlanneqassapput, Kommune Kujallermilu Nakuusaaqqat aamma isummersortinneqassapput, borgmesteri Malene Vahl Rasmussen (D) oqarpoq.

Foto: Oscar Scott Carl

Thomas Munk Veirum Thomas Munk Veirum Tusagassiortoq

Andreas Wille Andreas Wille Tusagassiortoq

Saqqummersinneqarpoq 28. Oktobari 2026 - 15:39

Ussassaarut

Kommune Kujalleq kommunimi imigassanik aalakoornartortalinnik tuniniaanerup ammaqqinneqarsinnaanera pillugu qanoq iliuuseqarnissani pillugu nutaarsiassaateqarpoq. Imigassanik aalakoornartortalinnik tuniniaaneq tallimanngorpat sapaatit akunnerini sisamani matoqqasimassaaq.

Kommunilli pingasunngornermi tusagassiorfinnut nalunaarummi nalunaarutigaa, Kommune Kujallermi aningaasaqarnermut inuussutissarsiornermullu ataatsimiititaliap, marlunngornermi ataatsimiinnermini, aalakoornartortalinnik tuniniaanerup ammaqqinneqarsinnaanera pillugu tusarniaanermik ingerlatsisoqarnissaanik aalajangiisimasoq.

Tusarniaaneq ulloq manna oktobarip 28-anni aallartilluni novembarip 11-at ilanngullugu ingerlassaaq.

- Tusarniaanermilu paasisissutissat katersorneqartut aallaavigalugit novembarimip 18-ianni kommunalbestyrelsimiit aalajangertoqassaaq qaqugu imigassap ammaqqinneqarnissaanik siunnerfeqartoqassanersoq aammalu suliniutit suut aallartinneqassanersut, kommuni allappoq.