KL

DK

Najuuttut ikippallaarneri pissutigaluit Inatsisartut taasinissat kinguartinneqartoq  

Inatsisartuni ilaasortat ikippallaarneri pissutigalugit  ataatsimiinnerminni oqaluuserisassat arlallit taasissutiginissaannut oktobarip 27-ani piareeqqasut, suliarinissaat kinguartiinnartariaqarpaat. Naleqqap siulittaasuata Pele Brobergip (N) naalakkersuisooqatigiit isornartorsiorpai. Tamatuma saniatigut Aqqalu C. Jerimiassenip (A) Facebookimi quppernermini tikkuarpaa sapaatip akunnera 44 ileqquusumik, Inatsisartuni ataatsimiigineqarneq ajorpoq, ataatsimiititaliat amerlasuut nunani avannarlerni ataatsimiinnernut peqataammata.

- Inatsisartut oqaluuserisassanik arlalinnik suliaqarnissamut kinguartitsisariaqalerput. Oqaluuserisassat pineqartut taasissutissiissutiginissaannut piareersimapput - ilaasortalli piareersimanngillat. Imaluunniit najuuttut ikippallaarput, Vivian Motzfeldt (D) Inatsisartut siulittaasoqarfiat sinnerlugu allappoq.
Sort-hvidt portræt af en kvinde med mørkt hår iført en mørk bluse foran en lys baggrund.
Ane-Marie Petersen Ane-Marie Petersen Tusagassiortoq
Saqqummersinneqarpoq

Inatsisartuni ilaasortat najuuttut ikippallaarneri pissutigalugit, oqaluuserisassat arlaqartut aalajangiiffigineqarnissamut piareersimasut kinguartinneqarput. Tamanna Inatsisartut siulittaasoqarfia sinnerlugu Vivian Motzfeldtip (D) nalunaarutaani allassimavoq.

Nalunaarummi allassimavoq:

Inatsisartuni ilaasortat najuuttut ikippallaarneri pissutigalugit, oqaluuserisassat arlaqartut aalajangiiffigineqarnissamut piareersimasut kinguartinneqarput. Tamanna Inatsisartut siulittaasoqarfia sinnerlugu Vivian Motzfeldtip (D) nalunaarutaani allassimavoq.

Nalunaarummi allassimavoq:

- Oqaluuserisassani immikkoortut arlallit Inatsisartunit ullumi kinguartinneqartariaqarsimapput. Immikkoortut pineqartut taasissutigineqarnissamut piareeqqagaluarput – ilaasortalli piareeqqanatik

Vivian Motzfeldt tamatumunnga atatillugu partiimut aalajangersimasumut illuatungiliuttunut Naleqqamut, sakkortuumik isornartorsiuivoq:

- Suliami qinersisartut uatsinnut isumagisassanngorlugu akisussaaffinngortitaanni aammalu ingerlatissallugu akissarsiffigisartakkatsinni peqataajumanatik ilaasortat ataasiakkaat partiimit ataatsimeersut pisussaaffimminnik ullumi sumiginnaanerat takullugu nikalluallannarpoq.,ivian Motzfeldt allappoq.

Pele Broberg naalakkersuisoqatigiinnik isornartorsiuivoq

Naleqqalli siulittaasuata Pele Brobergip naalakkersuisooqatigiit isornartorsiorpai, taassumalu tikkuarpaa Inatsisartuni ilaasortanit 31-usunit 21-t sinnerlugit pineqartut.

Taasissutigineqartussat pilersaarutaasut taasissutigineqartussanngornerani  Naalakkersuisoqatigiinni ilaasortat sooq najuutinnginnersut Brobergip apeqquserpaa.

Nalunaarummi ilaatigut ima apeqquteqarpoq:

- Naalakkersuisoqatigiinni ilaasortat sumut aallaramik?

Taassumalu apeqquserpaa, Inatsisartunut ataatsimiinnermi ilaasortat aallarnissaat kimit aalajangerneqarsimanersoq.

Aqqalu C. Jerimiassenip sapaatip-akunnera 44 tikkuarpaa

Nalinginnaasumik Inatsisartut ataatsimiittarfik sapaatip-akunnera 44-mi najuuffigineq ajoraat, Aqqalu C. Jerimiassenip Facebookimi saqqummiussamini oqaatigaa.

Ima allappoq:

- Sapaatip akunnera 44 tassaasarpoq ataatsimiititaliat ulapaarfiat nunallu avannarliit ataatsimiinnerannut peqataasussat qangaaniilli angalasarfiat.

Taamaalilluni Jerimiassenip oqaatigaa sapaatip-akunnera taanna, nalinginnaasumik ataatsimiititaliat sulinerannut nunallu avannarliit ataatsimiinnerannut atatillugu angalanernut atorneqartartoq.

Naalakkersuisoqatigiit ingerlatsinermut malittarisassat atuutsinneqarnissaat kissaatigaat

Inatsisartut suleriusaat malillugu, naalakkersuisooqatigiit kissaatigaat Inatsisartut Siulittaasoqarfiata ilaasortat pissutissaqaratik ataatsimiigiaqqusaagaluarlutik ataatsimiigianngitsoortut iliuuseqarfigineqartarnissaat.

Sermitsiap Naalakkersuisut siulittaasuat Jens-Frederik Nielsen (D) partiit naalakkersuisooqatigiit kissaataannut qanoq isumaqarnersoq ilaasortallu pineqartut qisuariarfigineqartariaqartut oqaaseqartinniarlugu saaffigaa.

Taamatuttaaq Sermitsap Inatsisartut siulittaasuat Kim Kielsen (Attaviittoq), kinguneqartitsisoqartariaqarnersoq Inatsisartunilu ilaasortat tamarmik ataatsimiinnerni najuuttariaqarnersut oqaaseqartinniarlugu saaffigaa.

Allaaserisap allanneqarnerani, siulittaasut taakkua arlaannaalluunniit suli akissuteqanngilaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inatsisartut najuunneq inuiaqatigiit taasineq vivian motzfeldt pele broberg

Atorfiit tamaasa takukkit

PODCASTI

Powered by Labrador CMS