Takornarianik nittarsaassinermi
Adventure Elevate-imi Denverimi pisumi Nunarput soqutigineqarluarpoq.
Peqataasut amerlasuut oqaatigaat, Nunatsinnit peqataatitat ataatsimut
saqqummiussinerat filmillu naatsup ’Authentic Intelligence’-p takutinneqarnera
nittarsaassinermi maluginiarneqarluartut ilagigaat. Tamatuma Nunatsinni
takornariartitsinermut alapernaannerulersitsillunilu ataqqinnilersitsinera
ersarippoq.
Taatsi Fleischer, Qeqqata
Kommuniani Arctic Circle Businessimi takornariartitsiffissarsiornermi
pisortaasoq, kommunimilu takornariartitsisartut sinnerlugit
takornariartitsisartunut saqqummersitsinermi peqataasoq taama oqaluttuarpoq.
Takornarianik nittarsaassinermi
Adventure Elevate-imi Denverimi pisumi Nunarput soqutigineqarluarpoq.
Peqataasut amerlasuut oqaatigaat, Nunatsinnit peqataatitat ataatsimut
saqqummiussinerat filmillu naatsup ’Authentic Intelligence’-p takutinneqarnera
nittarsaassinermi maluginiarneqarluartut ilagigaat. Tamatuma Nunatsinni
takornariartitsinermut alapernaannerulersitsillunilu ataqqinnilersitsinera
ersarippoq.
Taatsi Fleischer, Qeqqata
Kommuniani Arctic Circle Businessimi takornariartitsiffissarsiornermi
pisortaasoq, kommunimilu takornariartitsisartut sinnerlugit
takornariartitsisartunut saqqummersitsinermi peqataasoq taama oqaluttuarpoq.
Paasisat
Salik S. Grønvold Kangerlussuarmi Arctic Circle
Treksimeersoq takornariaqarnermi nittarsaassinermi taamaattumut siullermeerluni
peqataavoq, perngaammillu USA-miilluni.
Issittumi misigisassarsiortitsilluni
takornariartitsisartutut ilinniarsimavoq.
Adventure Elevate North America 2025-mi Denverimi
Coloradomiittumi peqataanermini ilikkagarpassuaqarpoq.
Suleqatigineqarsinnaasut nutaat Arctic Circle Trekkimi
angallassisarnerinut soqutiginnittut naapissimallugit Salik Grønvold
oqaluttuarpoq. Oqaloqatiginerilu ingerlateqqissavai.
New Yorkip Nuullu akornanni timmisartukkut aqqutip
nutaap pilersinneqarneratigut tikeraat Kangerlussuarmut ingerlaqqinnissamik
periarfissaqarput, angallassisarneranilu peqataallutik.
- timmisartukkut aqqut nutaaq pissutaalluni Kalaallit
Nunaata USA-llu akornanni suleqatigiittoqarnerulersinnaaneranik
ajornannginnerulersitsisoq, pingaartumik takornariaqarneq eqqarsaatigalugu,
isumaqarpunga. Tamannalu pissutigalugu USA-mit takornariat amerlanerusut
Kalaallit Nunaannut tikissinnaalerput, Salik Grønvold Sermitsiamut oqarpoq.
Isumalluarnissamut
pissutissaqarluartoq
Nuannersunik arlalinnik
misilittagaqalersimalluni, Denverimit angerlarpoq.
- Takornariartitsisartut arlallit
najukkami takornarialerisunut toqqaannartumik attaveqarnissaminnut
soqutiginnillutik nalunaarput, siunissami isumaqatigiissuteqarsinnaanissaq
oqaloqatigiissutigiumallugu. Nittarsaassisarnerpassuit allat assigalugit
tamanna aningaasaliineruvoq angusallu aatsaat piffissap ingerlanerani
malugineqarsinnaalissallutik.
USA-mit siunissami
takornariartartussat qanoq isumaqarfigaagit?
- USA Kalaallit Nunaannut
periarfissarpassuaqarluarpoq suli atorluarneqanngitsunik – uatsinnut Qeqqata
Kommunianuinnaanngitsoq, nunatsinnulli tamarmut. Niuerfimmut taama
angitigisumut iserniarutta, ataatsimoorluta siunissaq ungasinnerusoq
eqqarsaatigalugu iliuuseqartariaqarpugut. Tamannali imminut akilersinnaassaaq,
Taatsi Fleischer naliliivoq.
Qeqqata Kommunia
isumalluarnissaminut pissutissaqarluartoq, Taatsi Fleischer isumaqarpoq.
–
Takornarialerisut eqeersimaarlutillu suliniuteqarlutillu suleqatigiilluarput,
tamannalu maannakkut siunissamilu ineriartornissamut neriuutissaalluarluni.
Assersuutigalugu akunnittarfinni unnuiffissat aamma akunnittarfinni inissiat
amerlisarneqarput, siunissami pisussat qulakkeersinnaajumallugit, taama
ilisimatitsivoq.
