Kuannersuarni suliniut tamaat allanngortissallugu ETM ammaassivoq

Australiamiut aatsitassarsiorfiutileqatigiiffiat suli neriuuteqarpoq, Kuannersuarni aatsitassarsiornissamik allanngortitamik aallartitsisinnaalluni. – Oqaloqatigiinnissamut ammavugut aammalu suliniutitta allanngortinneqarnissaanut piumassuseqarpugut, taamaaliornikkut ernumassutigineqartut naaperiutigerusuppagut, taamak oqarpoq pisortaq Daniel Mamadou, maanna Danmarkimiittoq eqqartuussivitsigut suliap ingerlaqqinnissaanut tunngatillugu suliffeqarfik PR-bureauet Primetime aamma eqqartuussissuserisut advokatfirmaet Plesner oqaloqatigiartorlugit.

Energy Transition Minerals Kuannersuarni suliniutertik pillugu arlaannaatigulluunniit tunniutiinnanngilaq, ingerlatseqatigiiffillu suliniumminik allanngortitsinissaminut piareersimanerarpoq, ingerlaqqittoqarniassammat: - Suliniut ima angitigaaq aammalu pingaaruteqartigaaq, sunaluunniit aqqutigalugu iliuuseqartariaqarsinnaalluta, aaqqiissutissamik nassaarnissarput pillugu, pisortaq Daniel Mamadou oqarpoq.
Saqqummersinneqarpoq

Australiamiut ingerlatseqatigiiffiata Energy Transition Minerals-ip danskit eqqartuussissuserisoqarfiat Plesner suleqatigilernikuuaa peqatigalugu Kuannersuarni akuersissutaatitik pillugit namminersorlutik oqartussanut eqqartuussivitsigut suliamik ingerlatsinertik eqqartuussivimmut apuuttussanngormat.

Ingerlatseqatigiiffik isumaqarpoq, urani pillugu inatsisip 2021-mi atuutilersinneqarneratigut eqqunngitsumik tunngavilimmik akuersissutaateqarfimminni ineriartortitsiniarnertik pinngitsoortinneqarsimasoq akuersissutaatiminnik arsaagaanermik malitsigisaanik. Maanna eqqartuussivitsigut nalilerneqartussanngorpoq akuersissutigineqassanersoq imaluunniit itigartinneqassanersoq piiaanissamut akuersissummik tunineqarnissartik imaluunniit tamanna pisinnaassanngippat milliartilikkaanik aningaasanik taarsiissuteqartitsisoqassanersoq.

Australiamiut ingerlatseqatigiiffiata Energy Transition Minerals-ip danskit eqqartuussissuserisoqarfiat Plesner suleqatigilernikuuaa peqatigalugu Kuannersuarni akuersissutaatitik pillugit namminersorlutik oqartussanut eqqartuussivitsigut suliamik ingerlatsinertik eqqartuussivimmut apuuttussanngormat.

Ingerlatseqatigiiffik isumaqarpoq, urani pillugu inatsisip 2021-mi atuutilersinneqarneratigut eqqunngitsumik tunngavilimmik akuersissutaateqarfimminni ineriartortitsiniarnertik pinngitsoortinneqarsimasoq akuersissutaatiminnik arsaagaanermik malitsigisaanik. Maanna eqqartuussivitsigut nalilerneqartussanngorpoq akuersissutigineqassanersoq imaluunniit itigartinneqassanersoq piiaanissamut akuersissummik tunineqarnissartik imaluunniit tamanna pisinnaassanngippat milliartilikkaanik aningaasanik taarsiissuteqartitsisoqassanersoq.

Ingerlatseqatigiiffiup Danmarkimi suliffeqarfiit PR-bureau-t annersaasa ilaat Primetime suliakkerpaa; attaveqaqatigiinnermut tunngatillugu aammalu soqutigisaminnik aallussinerminnut tunngatillugu ikiussagaatsik. Suliffeqarfiullu taassuma Nørrebrogademi ataatsimiittarfiani Sermitsiaq periarfissinneqarpoq ingerlatseqatigiiffiup pisortaanik Daniel Mamadou-imik apersuinissaminut, taanna piffissami matumani Danmarkimiippoq ingerlatseqatigiiffiup namminersorlutik oqartussanik eqqartuussivilersuinerani sassartussanngornermut atatillugu.

Inatsisitigut suliap ingerlanneqarnera

Kingullertigut nunatta eqqartuussivianit Naalakkersuisut akuersaarneqarnikuupput allakkatigut akissutissap tunniunneqarnissaanut killiliussaq kinguartinneqassasoq decembarip 15-ianut ullulerlugu. Tassungali tunngatillugu nunatta eqqartuussisoqarfianit erseqqissaatigineqarpoq, kinguartitseqqittoqarsinnaanngitsoq, taamatuttaaq piumasarineqarpoq illuatungeriit siunissami oqaatsinik atuinertik pingaartissagaat. Tamaanna Daniel Mamadou-p ajugaanertut annikitsutut, taamaattorli aamma pingaarutilittut nalilerpaa.

- Eqqartuussivinniit maanna killissaq titarneqarpoq. Taamaattumik naatsorsuutigaara namminersorlutik oqartussat akissutissaat kingusinnerpaamik decembarip 15-iani tunniunneqassasoq, taamatuttaaq naatsorsuutigaara isumaqatigiinniarnerit pingaarnerit eqqartuussivimmit piffissaliunneqartup iluani naammassineqarsinnaasoq. Naatsorsuutigaarput eqqartuussinertaa 2027-mi ukiakkut ingerlanneqassasoq,

Daniel Mamadou oqarpoq, taassumalu isertuutinngilaa nammineq isummani naapertorlugu Naalakkersuisut piaaralutik piffissaliussaq sivitsorsaqattaaraat.

– Kalaallit Nunaat inuiaqatigiillu kalaallit ataqqilluinnarpagut. Maaniippugut tapertaajumalluta.Attaveqaqatigiinneq suliniullu pillugu sukumiinerusumik nassuiaaneq aammalu ernumassutigineqartut pillugit oqaloqatiginnikkusulluta. Taamaattorli suliniut manna Kalaallit Nunaata siunissaanut attuumassuteqarpoq, taamak oqarpoq Energy Transition Minerals-imi pisortaq Daniel Mamadou. Ingerlatseqatigiiffik taanna namminersorlutik oqartussanik eqqartuussivitsigut suliamik 2022-mi aallartitsinikuuvoq.

- Paasiuminaatsipparput sooq Naalakkersuisut piffissamik taamak sivisutigisumik pisariaqartitsinersut apeqqutitta akinissaanut nassuiarnissaannullu. Suliaq ima pisariissimatigippat Naalakkersuisut oqarnerattut, taava akissutit qangali tunniunneqareertussaagaluarput, taanna oqarpoq ilanngullugulu ilisimatitsilluni, Naalakkersuisut ukiut tallimaat qiteqqullugu akissutissaminnik piareersaasimasut piffissallu taassuma ingerlanerani marloriarlutik akinissaminnut siviutsuisimasut.

Suliniutip siunertaa allanngortissallugu piareersimasut

Daniel Mamadou suli akissutissarserusuppoq, sooq ingerlatseqatigiiffiup misissueqqaarnissamut akuersissutaataa junimi sooq sivitsorneqannginnersoq.

- Ilisimaneqartutut inatsisitigut suliaqartitsineq pissutaalluni unittooqqavugut, aamma naatsorsuutigisinnaanngilarput pissutsit ullormiit ullormut aaqqinneqassasut, Daniel Mamadou oqarpoq, taannali suli neriuuteqarpoq, ingerlatseqatigiiffik Naalakkersuisunik isumaqatigiinniaqateqarnikkut aaqqiiissutaasinnaasumik nassaarumaartoq.

- Pingaarnerutillugu oqaatigerusutarput tassaavoq, suliniutip aningaasatigut iliuusissatigullu naleqassusia ima annertutigaaq, allaat periarfissaalluni suliniutip siunertaanik allannguinissamut, pisariaqartinneqartullu naapertorlugit naleqqussaanissamut. Uran pillugu ernumasoqarpoq. Tamanna paasilluarsinnaavarput. Taamatuttaaq sanaartugassat aqqusiniliassallu pillugit ernumasoqarpoq. Tamanna paasinarluinnarpoq. Uangut piareersimavugut suliniut ilusilersoqqissallugu allanngortissallugulu, aamma piareersimavugut suut tamarmik qulaajaqqinnissaannut, pisariaqartitsinerlu naapertorlugu allanngortinneqarnissaanut aamma piareersimavugut. Ujarlereerpugut misissuereerlutalu nunaminertami tassani suatungaani uranip katersuussimanerata 100 ppm-imik appasinnerunersoq, tassalu taanna urani pillugu inatsimmi killiliussatut aalajangiunneqarsimasoq. Taamaakkaluartoq allatut iliorsinnaaneq pillugu saqqummiussigaluaraangatta tamatigut oqartussaasut akissutaat ataasiinnaasarpoq: "Naamik".

- Taamaammat suliniut pillugu apeqqutinut akissut tamatigut ”naamik”-uppat, taava immitsinnut aperisariaqarpugut, suna inatsimmut kajumilersitsisuunersoq aammalu inatsit pillugu suna siunertarineqarnersoq?, Daniel Mamadou aperaluni oqarpoq, taanna arlaleriarluni oqartarnikuuvoq inatsit atuutilersinneqarsimasoq, suliniuteqqissaartik eqqorniarlugu, tamannali Naalakkersuisut ilumuunnginnerarnikuuaat.

Oqaloqatigiinneq alloriarneq siullertut

Daniel Mamadou-p manna tikillugu suli periarfissaqarfigisimanngilaa, aatsitassarsiornermut naalakkersuisunngornikuusoq, Múte B. Egede suliniut pillugu.

- Attaveqaqatigiinnerit tamarmik eqqartuussissuserisut aqqutigalugit ingerlanneqarput. Ajoqaluartumik oqaloqatigissalluta piumassuseqartoqanngilaq. Tamanna uggornarpoq, tassami uagut paaserusuttorujussuugaluarparput politikerit qanoq isumaqarnersut aammalu qanoq siunnerfeqarnersut. Isumaqarpugut oqaloqatigiinneq alloriarneq siulliusariaqartoq. Taamaattorli inatsisitigut taamaallaat oqaloqatigiinneq Kalaallit Nunaannit ingerlanneqarusussimappat, taava taamaaliussaagut. Aamma suliaq ingerlatiinnassavarput naammassineqarnissaata tungaanut, Daniel Mamadou oqarpoq erseqqissaatigalugulu ingerlatseqatigiiffik maannamut ukiuni tallimani utaqqisitaareersimasoq, aammalu tunniutiinnarnaviaratik.

– Kalaallit Nunaannut inuiaqatigiinnullu kalaallinut ataqqinnilluinnarpugut. Maaniippugut tapertaarusulluta. Suli iliuuseqarsinnaarpasippugut attaveqaqatigiinnissamut aammalu suliniut pillugu nassuiaanissatsinnut minnerunngitsumillu ernumassutaasut ilai pillugit iliuuseqarnissatsinnut. Suliniulli matumani pisarput Kalaallit Nunaata siunissaanut tunngassuteqarpoq, Daniel Mamadou oqarpoq.

Sermitsiamit Inuussutissarsiornermut Aatsitassanullu Naalakkersuisoqarfimmut ingerlatseqatigiiffiup matumani isornartorsiutigisai pillugit oqaaseqartitsiniaraluarpugut, taakkuli kissaatiginngilaat oqaaseqarnissartik.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS