ULLORMUT NALUNAARUSIAQ

Tillinniat immiaaqqat qillertuusat imeruersaatillu nukissaqalersitsisut tillippaat

Nuummi pisiniarfik tillinniarfigineqarsimavoq, politiillu takunnissimasinnaasunik saaffiginnittoqarnissaanik ujartuipput.

Saqqummersinneqarpoq

Pisiniarfik Akiki Nuup qeqqaniittoq tillinniarfigineqartoq marlunngormat ullaakkut nalunaaqutaq 04.50 missaani politiit, nalunaarfigineqarput.

Kalaallit Nunaanni Politiit pigaartut pisortaat taama Lars Even oqaluttuarpoq.

Pisiniarfiup toqqorsivianut matu aserorterpaat, tassanilu immiaaqqat qillertuusat imeruersaatillu nukissaqalersitsisartut tillinneqarput.

- Inuusuttut sisamat sumiiffimmiit qimaasut, nalunaarutiginnittoq oqaluttuarpoq, Lars Even oqaluttuarpoq.

Upaluungaarsimanermut videoliuteqarnersoq politiit misissorpaat, paasiniaanermut iluaqutaasussanik. Aammattaaq politiit takunnissimasinnaasunik allanillu suliamut attuumassuteqarsinnaasunik paasisaqarusupput. Politiit 70 14 48-mut pissarsiarineqarsinnaapput.

Powered by Labrador CMS