Jens-Jakob
Sandgreen allaffimmini onlinemik allaffissornermik
aningaasaqarnermillu aqutsinermut programi kompas.gl app-ilu ’Kompas
Go’, umiatsiaararsorlutik aalisartunut suliffeqarfinnullu inunnik
ataasiakkaanik pigineqartunut siunnerfilik takuippaa.
- Una umiatsiaararsorluni aalisartumut tamakkiisumik aaqqiissutitut taarusuppara, tassa allaffissornermut aningaasaqarnermillu aqutsinermut tunngatillugu. Piareerutsigu alloriarneq tulleq tassaassaaq pisat tuninissaanut aalisartunik ikiuinissaq, aallarnisaasoq siusinnerusukkullu Arctic Umiaq Linemi pisortaasimasoq, Jens-Jakob Sandgreen, siorna fitness.gl-mik Allan Juhlimit pisisoq oqarpoq.
Jens-Jakob
Sandgreen allaffimmini onlinemik allaffissornermik
aningaasaqarnermillu aqutsinermut programi kompas.gl app-ilu ’Kompas
Go’, umiatsiaararsorlutik aalisartunut suliffeqarfinnullu inunnik
ataasiakkaanik pigineqartunut siunnerfilik takuippaa.
- Una umiatsiaararsorluni aalisartumut tamakkiisumik aaqqiissutitut taarusuppara, tassa allaffissornermut aningaasaqarnermillu aqutsinermut tunngatillugu. Piareerutsigu alloriarneq tulleq tassaassaaq pisat tuninissaanut aalisartunik ikiuinissaq, aallarnisaasoq siusinnerusukkullu Arctic Umiaq Linemi pisortaasimasoq, Jens-Jakob Sandgreen, siorna fitness.gl-mik Allan Juhlimit pisisoq oqarpoq.
Digitalimik
sullissivik
Jens-Jakob
Sandgreen Allan Juhlilu Space App ApS-imik piginneqatigiillutik
suleqatigiissuteqarput,
tassanilu digitalimik
sullissivik
aningaasaqarnermik aqutsinermut programi Kompas.gl ineriartortippaat,
taannalu aalisartut suliffeqarfiillu inunnit ataasiakkaanit
pigineqartut aningaasaqarnermik, missingersuutinik, nammineerluni
nalunaarsuinermik il.il. ajornaallisaasussamik siunertaqarpoq. –
Kompas tassaavoq E-conomic aamma Dinero, Kalaallilli Nunaanni
aalisarnermik inuussutissarsiortunut oqartussat tunisinermut,
akuersissutinut allanullu tassunga attuumasunik piumasaqaataannik
attaviligaq. Aalisartut allaffissornerisa aningaasaqarnerminnillu
aqutsinissaasa ajornaallisarnissaa siunertaavoq, Jens-Jakob Sandgreen
oqarpoq, taamaaliornerminilu atuisut nalunaarnissaata qanoq
ajornaatsiginera takutippaa. Aalisarnermut
inatsimmut nalimmassagaq
Aalisarnermut
inatsimmi nutaami 2025-p aallartinnerani atuutilersumi aalisartut
tamarmik qitiusumik suliffeqarfiit nalunaarsorneqartarfiannut
nalunaarsorsimanissaat CVR-imillu normoqarnissaat piumasarineqarpoq.
- Aalisarnermut inatsit nutaaq pissutaalluni, aalisarneq tamarmi CVR-imik toqqammaveqalerpoq. Inuussutissarsiutigalugu aalisartuussagaanni, minnerpaamik CVR-imut nalunaarsorsimasariaqarpoq. Siornatigut taamaassimanngilaq, Jens-Jakob Sandgreen oqarpoq.
Kompas.gl
ineriartortittuarneqartussaavoq. Ungasinnerusoq isigalugu aalisartup
pisaasa pisisartunut tunisarnissaat pilersaarutaannut ilaavoq.
Ajornaatsoq
atoruminartorlu
Atuisunngornissap
qanoq ajornanngitsiginera Jens-Jakob Sandgreenip skærmikkut
takutippaa.
-
Kontomik atuisunngoruit
ilitsersorlutit
ikiussavatsigit,
inuinnaammi suliffeqarfinnik piginnittut aalisartullu
allaffissornermi aningaasaqarnermilu oqaaserpassuit paasineq
ajorpaat, ilaatigut
pigisat nalillit nalikilliliinerillu. Atuisunut
ajornaatsunngortipparput, aalisartunullu atoruminartunngorsarlugu,
Jens-Jakob Sandgreen nassuiaavoq.
Kompas.gl
aalisartumut ataasiakkaamut akuersissummi normuanik akuersissutillu
sorliuneranik, soorlu saarullinniarnermi, qaleralinniarnermi
allanilluunniit aalisarnermi uploaderisussamut nalimmassagaavoq.
Tassanilu aalisarneq pisassat annertussusaannut sanilliullugu
piffissamik killiligaanersoq, tassanilu aalisartup pisassani
nalunaarsussavai.
Angallammik,
biilinik motoorinillu atuilerneq
Tamatuma
saniatigut aalisartup angallatinik biilini aquuteralaniluunniit
inuussutissarsiornermi atukkani atulersinnaavai.
- Aalisartut amerlasuut angallatiminnik, biiliminnik aquuteralamminnilluunniit nalilittut nalunaarsortanngillat. Maanna assersuutigalugu umiatsiaaraq Poca 330.000 kr-inik nalilik atulissavarput. Aana pisinermi isumaqatigiissut, taanna suliffeqarfikkoortillugu pisiarivara. Assersuutigalugu inuinnartut atugassatut pisiarisimasuugukku, suliffeqarfinnilu sulinerma nalaani atorlugu, taava nalingata 50 procentia atulersissinnaavara, Jens-Jakob Sandgreen nassuiaavoq.
- Piffissami nalikilliiffiusumi skabelonit ukiumullu nalikilliliissutaasussaq paasiuminartorujussuanngortippagut, tassani aallaavittut ukiuni sisamani 20 procentinik nalikillilernissaa kaammattuutigisarparput. Naleerunnera, tassa nalikilliartortinnerata naanera, tassanilu iginneqarnerani nali, aalaakkaasuusoq, taannalu taamanikkussamut tuninerani naliusussatut ilimagisaavoq.
Akileraarusiinermi
iluaqutit
Aalisartup
umiatsiaaqqani, aquuteralani angallatiniluunniit
inuussutissarsiornermini atukkani atulersikkaangamiuk, taava
piffissap ingerlanerani nalikillilernera akileraarutigisassaminut
ilanngaatigisinnaavaa. Naallu aalisartup nammineq biilerisani,
ilaannakortumik inuussutissarsiornermini atortaruniuk taava aamma
taanna atulersissinnaavaa.
- Uangalu aamma nammineq biilikka inuussutissarsiorninni atortakkakka, Toyota RAV4-t naligi atulersissinaavakka, taamaalillungalu biilip nalingata affaa ingerlanneranilu aningaasartuutikka tamaasa, soorlu orsussaq, aqqusinikkoornermi akileraarut iluarsaassinerillu atulersissinnaavakka. Tassanilu aningaasartuutima affai akileraarutinut ilanngaatigisinnaavakka. Amerlasuut tamanna atorneq ajorpaat, immaqa ilisimannginnamikku, imaluunniit qanoq iliornissartik ilisimannginnamikku, tamannalu Kompas.gl-imi imminut isumagisunngortipparput, Jens-Jakob Sandgreen oqarpoq.
Aalisartoq
aningaasaqarnikkut inissisimalluartoq
Kompas.gl-p aalisartoq pisaminik tunisinerminit isertitaanik,
aningaasartuutaanik missingersuutillu ineriartornerisa aqunnerinik
ikiorusuppaa, ilami allaat nammineerluni nalunaarsugassaanut
siunnersuut suliarisinnaavaa, kiisalu Kalaallit
Nunaanni Aalisarnermut Piniarnermullu Nakkutilliisoqarfimmut
KANUAPNA-mut tunisinermut nalunaarusiornermut aalisartoq aamma
ikiorsinnaavaa.
- Aalisartutut tunisinitit tamaasa, taava tunisinermut nalunaarusiussaatit. Aallarniutigalugu kompasip aalisartoq sinnerlugu KANUAPNA-mut nalunaarusiornissaa oqaatigissavara. Aalisarsimavunga 1 tonsinillu pisaqarpunga, taakkulu kiilumut 8 kr-lerlugit tunivakka. Nummi Royal Greenland pisannik pisivoq, taakkulu tunitsivigisattut immersuuppakka, Jens- Jakob Sandgreen tunisinermut nalunaarummik immiussivoq, tassanilu aalisarnermini atortut, piffik saarullinniarfigisani, saarullillu erlaviigaallunilu niaquigaalluni tunineqarnera, pisallu pitsaassusaat primanani sekundaasoq immiuppai. Bankimi nuussinikkut akiliisoqarpoq.
- Taava toqqoruk tuussavara, sekundialuillu ingerlanerani missingiusiorpunga, taamaalillungalu KANUAPNA-mut tunisinermut nalunaarutissara piareerpara. Amerlanernillu sanasinnaavutit, ataasinngornerillu tamaasa sapaatip akunnerani kingullermi tunisatit KANUAPNA-mut nassiunneqartassapput, Jens- Jakob Sandgreen oqarpoq. Kompas.gl paasissutissallu ivertissoreernerini ingerlaannaq missingersuutitit takutissavai.
- Ingerlaannarlu 8.000 kr-t tunisinermi isertitatit missingersuutinni nammineerlutillu nalunaarsuiffissani ersissapput. Kompas.gl tassa taammaappoq, Jens-Jakob Sandgreen oqarpoq, kompas.gl-llu ungasinnerusoq isigalugu aalisartumut naatsorsoqqissaakkanik imminut akilersinnaasumik aningaasarsiornissamik takutitsisut saqqummiutissavai.
Aalisarnermik
ingerlatsisumik peqatissaminnik utaqqipput
Jens-
Jakob Sandgreen Allan Juhlillu maajip aallaqqaataani kompas.gl
tunisarilissallugu ilimagaat, taakkulu aalisartitseqatigiiffimmik
peqatigisinnaagunakkaminnik maanna oqaloqateqarput.
- Aalisartitseqatigiiffimmik pitsaasumik ineriartortitsinermut isumaqatigiissuteqarutta, tamanna aalisarnermik ingerlatsinerannik allaffissornerannillu aallussilersinnaanitsinnik kinguneqarsinnaassagunarpoq, taamaalilluta siusissukkut sullitanik suliffeqarfiutilinnik nalinginnaasunik, aallaqqaammut tamakkiisumik aallussiffigisinnaangisatsinnik tigusisinnaalissaagut. Apriilip qaammataa aningaasarsiamut sakkussap inaarlugu ineriartortinneranut atussavarput, Jens-Jakob Sandgreen oqarpoq, taassumalu maajip aallaqqaataani aallartinnissaq ilimagaa.
