GrønlandsBankip ukiumi qaammatini pingasuni siullerni 39,1 millionit koruunit anguai
GrønlandsBANKEN ukiumi qaammatini pingasuni siullerni akileraaruteqareernani inernerusut 39,1 millionit koruunit anguai, tamanna 2024-mi piffissami tassani inernerusunit 61,8 mio. koruuniusunit appasinneruvoq.
Nalorninartorsiortoqaraluartoq GrønlandsBANKEN-ip 2024-lli naaneranit taarsigassarsiarititani 94 mio. kr.-inik annertusisinnaasimavai, katillugit taarsigassarsiarititat martsip naanerani 2025-mi 5.125 mio. kr.-inngorput. - Isumaqarpunga tamassuma takutikkaa, unammillersinnaassutsikkut inissisimalluartugut, kiisalu inuussutissarsiornermi sullitat pingaartumik immikkut aningaasaleerususssusaannik takutitsisoq, Martin Kviesgaard oqarpoq.
Arkivfoto: Leiff Josefsen
Grønlandsbanken qaammatini siullerni pingasunut nalunaarusiami allappoq 39,1 millionit koruuninik sinneqartooruteqarnermigut 2025-mi aallartilluarluni.
Aningaaseriviup pisortaa Martin Kviesgaard tusagassiuutinut nalunaarummi oqarpoq angusat erniaqarpallaannginnermit sunnerneqarsimasut, taarsigassarsisitsisarnerli annertummat angusat pitsaasumik sunnerneqarsimasut:
- Aammali takusinnaavarput, erniat appariartornerisa sunniutaa, suliffeqarfinni aamma ilaqutarinni aningaasaliinerit annertusinissaannut sivisulaassasoq. Martin Kviesgaard.
Nalorninartorsiortoqaraluartoq GrønlandsBANKENip 2024-lli naaneranit taarsigassarsiarititani 94 millionit koruuninik annertusisinnaasimavai, katillugit taarsigassarsiarititat martsip naanerani 2025-mi 5.125 millionit koruuninngorput, tamannalu piosrtap nuannaarutigaa:
- Isumaqarpunga tamassuma takutikkaa, unammillersinnaassutsikkut inissisimalluartugut, kiisalu inuussutissarsiornermi sullitat pingaartumik immikkut aningaasaleerususssusaannik takutitsisoq, Martin Kviesgaard oqarpoq.
GrønlandsBANKEN inernerusunik naammagisimaarnartunik angusaqaraluartoq, aningaaseriviup kvartalini aggersuni ernianit appasinnerusunit isertitat suli unammillernartuunissaat naatsorsuutigaa.
Kviesgaardilli tikkuarpaa, erniat appariarnerat taarsigassarsiniarnissamut piumasaqarnerup annertusinissaanut tunngaviliissasoq:
- Upperaarput, erniat appasinnerusut inuit akornanni aningaasaliinissanut amerlanerusunut ammaassissasoq, ilaatigut illunik niuernermi aamma Kalaallit Nunaanni takornariaqarnermik ingerlataqarfiup iluani.
Ukiumut tamarmut GrønlandsBANKENip akileraaruteqareernani inernerusussatut naatsorsuutaa 150-185 mio. kr.-iussasoq aalajangiusimavaa.
