Tunisassiornermi pisortap Laali Berthelsenip kiisalu Hurtigruten Expeditionsimi (HX) sulisut Alex McNeilip aamma Daniel Kerznerip tikeraat Københavnimiit tikeqqammersut Kalaallit Nunaata kulturianik nutaaliaasumik takutitsillutik tikilluaqqummatigit Katuap paarlersuani nuannaartut amerlaqaat.
Pikialaartitsinermi Nickie Isaksenip, Isaksen Designimit piujuartitsilluni atisalianik takutitsisup aamma Qupanuk Olsenip, nunami tusagassiuutini saqqummersitsinermik suliaqartut siuttuata “Q’s Greenland”-imillu pilersitsisup, kulturi, qaaqqusat kinaassuseq ulluinnarnilu inuuneq pillugit paasissutissiiffigaat.
Tunisassiornermi pisortap Laali Berthelsenip kiisalu Hurtigruten Expeditionsimi (HX) sulisut Alex McNeilip aamma Daniel Kerznerip tikeraat Københavnimiit tikeqqammersut Kalaallit Nunaata kulturianik nutaaliaasumik takutitsillutik tikilluaqqummatigit Katuap paarlersuani nuannaartut amerlaqaat.
Umiarsuarmut MS Fridtjof Nansenimut ilaasut Katuami pikialaartitsinermi tikilluaqquneqarput. Assi:
Oline Inuusuttoq Olsen
Pikialaartitsinermi Nickie Isaksenip, Isaksen Designimit piujuartitsilluni atisalianik takutitsisup aamma Qupanuk Olsenip, nunami tusagassiuutini saqqummersitsinermik suliaqartut siuttuata “Q’s Greenland”-imillu pilersitsisup, kulturi, qaaqqusat kinaassuseq ulluinnarnilu inuuneq pillugit paasissutissiiffigaat.
– Nunaqavissut attaveqarfigillugillu attaveqarfigilluarlugit takutinniarparput, Laali Berthelsen oqarpoq HX-illu nunaqavissut suleqatigisarai, Nuummilu aaqqissuussinermut atatillugu ilaatigut Tupilak Travel, Hotel Hans Egede aamma Greenland Escape kiisalu Air Greenland suleqatigisimagai nassuiarpaa.
– tamarmik HX-ip tikeraanut misigisassatut tunniukkumasaanut ilaapput.
Hurtigruten Expeditions siullerpaamik Nuummi ilaasunik – turnaroundimik taaneqartartumik - tamakkiisumik paarlaatitsimmat Kalaallit Nunaata illoqarfiisa pingaarnersaanni angallanneq aatsaat taama ulikkaartigaaq. Taamaaliorniaraanni ataqatigiissaareqqissaartariaqarpoq, tassanilu Air Greenland, Jettime najukkamilu suleqatit arlallit pingaarutilimmik inissisimapput.
HURTIGRUTEN EXPEDITIONS-IP SIULLERMEERLUNI TURNAROUND
- Ulloq: 22. juuni 2025
- Ilaasut amerlassusaat: 500-t missaanni (180 Danmarkimiit, 190 Islandimiit, 182 Nuummeersumit ullormi tassani)
- Timmisartut: Airbus A330neo “Tuukkaq” + Jettime Boeing 737
- Pisussat: Katuaq suleqatigisallu, modeopvisning aamma oqaluttuarineq
- Tulliani turnaround: 2. juuli (tikiunneq bl.a. Newark, København aamma Reykjavik)
Københavnimiit Keflavíkimut timmisartumik assartuineq
Air Greenlandip ilaasut Danmarkimit 180-it Islandimiillu 190-it, ilaatigut Airbus A330neo Tuukkaq nutaaliaasoq Boeing 737-mik Jettimemeersumik ilallugu Nuummut timmisartuuppai. Katillugit ilaasut 500-t missaanniittut ullormi ataatsimi Nuummut Nuummiillu aallarput – timmisartoqarfiup oqaluttuarisaanerani aatsaat taama amerlatigisut.
– Uagutsinnut tulluarpoq – ilaasut apuullugillu angerlartussat oqquppagut. Umiarsuup ingerlarnganut assinguvoq, tassa ilaat nunamut tikittut allanik ikisoqartarluni, Air Greenlandimi attaveqaatinut aqutsinermut akisussaasoq Thomas Leth Jørgensen oqaluttuarpoq.
Suleqatigiinneq ilisimasassarsiornernut amerlanerusunut aqqutissiuussivoq
HX Expeditionsip umiarsuaa MS Fridtjof Nansen aasap ingerlanerani ilaatigut Uummannamut, Qeqertarsuup Tunuanut Qaanaamullu angalassaaq. Nuuk aallaavigalugu umiarsuarnik takornariartaatinik takornariartitsisartut aamma kalaallit takornariartitsisartut attaveqatigiinnerat nukittorsarneqassaaq.
HX nuna tamakkerlugu najukkani suliniuteqartunik suleqateqarpoq. Assi:
HX
– Angalannginnermi misigisassarsiornerit, Kalaallit Nunaanni Angalatitsiviup aamma World of Greenlandip – tamarmik Air Greenland Groupimut ilaasut – neqeroorutigisaat periusissiaqarluni suleqatigiinnermut ilaasut pingaarutillit ilagaat. Tassani tikeraat umiarsuarmut ikinnginnerminni tikillutik sumiiffiit soorlu Ilimanaq Lodge Ilulissallu misigisassarsiorfigisinnaavaat, Laali Berthelsen nassuiaavoq.
– Tikeraartutta misigisassaannik immikkut ittunik neqeroorfiginissaannut Ilimanaq Lodgesimi inissat tamaasa atorluartarpagut, Mikkel Søndergaard, Greenland Travelimi pisortaaneq, oqarpoq.
– HX-imik suleqateqarnerput pissutigalugu timmisartuussisarnigut pisariaqartitaannut naleqqussarsinnaanngorpavut – ullumikkut assersuutigalugu Københavnimiit nalunaaquttap-akunneri marluk sioqqullugit timmisartuuppagut, Air Greenlandimi sulisuusoq Thomas Leth Jørgensen nassuiaavoq.
Tikeraartut: “Misigisaq inuunermi puigunngisaannagassaq”
Caroline Sitsma aamma Guido Henneke Hollandimeersut, umiarsuarmut MS Fridtjof Nansenimut avannamut aallarnissartik sioqqullugu Katuami tikilluaqqusinermut peqataasut, angalasut ilagaat.
– Issittumeereernikuuvugut, Kalaallit Nunaanniissimanngisaannarsimallutali. Svalbardimi iluliat takugatsigit assut kusagaagut. Nuummi kusanarlunilu eqqissisimanaqaaq, aappariit oqaluttuarput.
Caroline Sitsma aamma Guido Henneke
Assi: Oline Inuusuttoq Olsen
- Trumpip Kalaallit Nunaat pisiarerusullugu suli oqanngitsoq angalanissarput pilersaarusiorparput – maannalu kikkut tamarmik tassanngaannaq maangarusulerput! Caroline nassuiaavoq, uialu Guido Henneke qaamanerup misiginissaanut qilanaarluni qullililluni oqaluttuarpoq.
- Assiliisartutut qaamaneq nuannareqaara. Killinneqaatigingaarparalu,“ Guido oqarpoq, Carolinelu ilassuteqarpoq:
- Ilaannikkut sumiiffimmut tikissimanngisaannakkannut pigaanni sunnertisimaneq puigunngisaannagassaasarpoq, Caroline Sitsma oqarpoq.
