Sulisitsisuni siulersuisuini ilaasortat ataatsimiititaliamilu ilaasortat nunatsinneersut Nuummi Hotel Hans Egedemi ataatsimeersuarput, tassanilu siulittaasuusoq Krissie Winberg siulersuisuni siulittaasutut ingerlaqqittussatut qinerneqaqqammerpoq.
- Soorunami nuanneqaaq, tassami ukiuni marlunni siullerni ajornaatsuinnaasimanngilaq, suliassarpassuaqarpunga suliassaqarfinni nutaani pissanganartupilussuarni, ulluinnarni inuuninnit allaanerulluinnartuni, taamaattumik siulersuisuni siulittaasutut ingerlaqqinnissamut innersuussutigineqarnera tatiginninnermik annertuumik takutitsivoq, Krissie Winberg oqarpoq, siulersuisuni siulittaasutut ingerlaqqinnissaminut siulersuisunit innersuussutigineqarneq sapiissuseqalersitsimmat, aamma GE-p allattoqarfia peqatigiiffillu aningaasaqarnikkut nukittuut nersualaarpai.
Sulisitsisuni siulersuisuini ilaasortat ataatsimiititaliamilu ilaasortat nunatsinneersut Nuummi Hotel Hans Egedemi ataatsimeersuarput, tassanilu siulittaasuusoq Krissie Winberg siulersuisuni siulittaasutut ingerlaqqittussatut qinerneqaqqammerpoq.
- Soorunami nuanneqaaq, tassami ukiuni marlunni siullerni ajornaatsuinnaasimanngilaq, suliassarpassuaqarpunga suliassaqarfinni nutaani pissanganartupilussuarni, ulluinnarni inuuninnit allaanerulluinnartuni, taamaattumik siulersuisuni siulittaasutut ingerlaqqinnissamut innersuussutigineqarnera tatiginninnermik annertuumik takutitsivoq, Krissie Winberg oqarpoq, siulersuisuni siulittaasutut ingerlaqqinnissaminut siulersuisunit innersuussutigineqarneq sapiissuseqalersitsimmat, aamma GE-p allattoqarfia peqatigiiffillu aningaasaqarnikkut nukittuut nersualaarpai.
Siulersuisut nalunaarutaat atuarlugu nuannersunik oqariartuuteqarpoq, ingerlariaqqinnissamullu takussutissaqartoq, pisortaq Christian Keldsen oqarpoq:
- Sulisitsisut peqatigiiffiuvoq nukittuumik aningaasaqarluartoq unammilligassaqarnissaminullu piareersimasoq. Allattoqarfimmi nukittorsaasimavugut, aningaasaqarluarpugut inuiaqatigiinni aammali ilaasortat tungaanni akiugassatsinnik, siulersuisunilu siulittaasoqarpoq ingerlaannartumik siulersuisullu ingerlaannartumik, tamannalu ingerlaannarnermut takussutissaavoq, aamma sulisitsisut peqatigiiffiat siulersuisut nalunaarusiaanni ersarissunik pitsaasunillu oqariartuuteqarput, pisortaq Christian Keldsen oqarpoq.
Niuernermi allannguinerit
Siulersuisuni siulittaasup Krissie Winbergip siulersuisut nalunaarusiaat saqqummiuppaa, tassanilu oqaatigaa Kalaallit Nunaanni piffissaq pissanganartoq, ukioq manna allaat suli siornatigornit pissanganarnerusunik atugaqarfiusoq, kisianni Kalaallit Nunaanni politikkikkut ukiuni sisamani kingullerni inuussutissarsiornermi allannguinerit annerpaat pisimapput.
Siulersuisuni siulittaasup Krissie Winbergip siulersuisut nalunaarusiaat saqqummiukkamiuk oqaatigaa Kalaallit Nunaanni piffissaq pissanganartuusoq, ukioq manna allaat suli siornatigornit pissanganarnerusunik atugaqarfiusoq, kisianni Kalaallit Nunaanni politikkikkut ukiuni sisamani kingullerni inuussutissarsiornermi allannguinerit annerpaat pisimapput.
- Oqartoqartarpoq Kalaallit Nunaata aningaasaqarnera sisamanik, immaqa tallimanik, sukaraqarluni ingerlasoq, naalakkersuinikkut sukat tamarmik naalakkersuinikkut piffissami qaangiuttumi nutarterneqarluarsimallutik. Aalisarneq, takornariaqarneq, aatsitassarsiorneq Danmarkimullu attaveqarneq politikkikkut suliarineqartarsimapput sulilu suliarineqartarlutik.
- Sanaartornerli niuernerlu aamma politikkikkut iliuuseqannginnermit eqqugaapput, tamannalu naalakkersuisunngortussat nalaanni malugissavarput, Krissie Winberg oqarpoq.
Aamma aalisarnermut inatsit eqqartorpaa, tassanilu GE-p inuiaqatigiit pisuussutinik piginninnerat akerlerinngilaa, inatsimmili paasineqartoq, pisuussutit qanoq inuiaqatigiinnut naleqarnerulersitsisarnerat, inuussutissarsiortut isiginnittaasiannit isigiuminaannerusinnaavoq.
Sulisitsisut tusarniaanermut akissuteqaraangata politikkerillu aalajangiisussaasut naapittaraangatigik, inatsisitigut inuussutissarsiornermilu aaqqissuussinerit allanngortinneqaraangata, sulisitsisut tusarnaarneqartarnerat malugisarpiuk?
- Qularutissaanngilaq tusarnaarneqartugut, oqaloqatigineqartarlutalu, kisianni inatsisit qanoq ilusilersorneqarlutillu atuutsinneqassanersut eqqarsaatigalugu maluginiartarpara ineriartortitsiinnaratik killilersuisuusut. Inuussutissarsiortut eqqorneqartarput, uagut iliuuseqarnerorusukkaluarluta, siuariartortitserusukkaluarluta, suliffissaqartitsiniarluta ineriartortitsinermilu peqataarusukkaluarluta.
- Maqaasimavarput isumakuluutivut pimoorunneqarnerunissaat isumaliutigineqarnissaallu.
Inatsisartunut qinersisoqareerpoq Demokraatit naalakkersuisunngortitsimmata, naalakkersuisunngortut nutaat qanoq naatsorsuutigaagit?
- Inuussutissarsiortunut toqqaaneq pitsaasoq qularutissaanngilaq. Suliffeqarfitsinnut ammasuuneq malugisinnaavarput, inuussutissarsiortullu qineqqusaarnermi suliniuteqarluarput. Politikerit nutaat ajornartorsiutit takusinnaavaat, isumaqarpungalu oqaloqatigiilluarneq ingerlatiinnarsinnaagipput allaallu nukittorsarlugu – tamanna sulissutigaarput, Krissie Winberg oqarpoq. Sulisitsisut pisortaat Christian Keldsen ima nangippoq:
- Naatsorsuutigaarput naalakkersuisunngortut innuttaaqatigiinnut tusarnaassasut.
