KL

DK

Namminersorlutik Oqartussat: Suliami aningaasartuutit ingerlatseqatigiiffimmit akilerneqassapput

Greenland Mineralsip ingerlatseqatigiiffiullu piginnittaata Ernergy Transition Mineraleralsip taarsiiviginneqqusilluni suliassanngortitsinerat Namminersorlutik Oqartussanut 18,7 millionit koruuninik naleqarpoq. Suliffeqarfiullu aningaasartuutit akilertariaqaraat Namminersorlutik Oqartussat isumaqarput.

Energy Transition Mineralsip Namminersorlutik Oqartussanut taarsiissuteqaqqusilluni suliassanngortitsinera pissutaalluni, Københavnimi Naalagaaffimmut eqqartuussissuserisup Poul Schmithip aatsitassanut naalakkersuisoqarfimmut inatsisitigut tapertaanissaanut 18,7 millionit koruunit maannamut atorneqarput
Trine Juncher Jørgensen Tusagassiortoq / Journalist
Offentliggjort

Isumaqatigiisitsiniarnermut eqqartuussiviup Kuannersuarni aatsitassanik piiaasinnaatitaaneq pillugu apeqqummi eqqartuussivimmut suliassanngortitsinera isumaqatigiissitsiniartarfimmi suliassanngortinneqarsinnaanngitsoq, qallunaallu naalagaaffiat suliamut peqataasinnaanngitsoq, sapaatip-akunnerata siuliani saqqummiunneqarpoq.

Suliaq isumaqatigiissitsiniarluni eqqartuussivimmut suliassanngortinneqassanngitsoq, Naalakkersuisut tunngavilersuutiginikuuaat.

Isumaqatigiisitsiniarnermut eqqartuussiviup Kuannersuarni aatsitassanik piiaasinnaatitaaneq pillugu apeqqummi eqqartuussivimmut suliassanngortitsinera isumaqatigiissitsiniartarfimmi suliassanngortinneqarsinnaanngitsoq, qallunaallu naalagaaffiat suliamut peqataasinnaanngitsoq, sapaatip-akunnerata siuliani saqqummiunneqarpoq.

Suliaq isumaqatigiissitsiniarluni eqqartuussivimmut suliassanngortinneqassanngitsoq, Naalakkersuisut tunngavilersuutiginikuuaat.

Inuussutissarsiornermut, Aatsitassanut, Nukissiuuteqarnermut, Inatsisinut Naligiissitaanermullu Naalakkersuisoq Naaja H. Nathanielsen (IA) taarsiissuteqaqqusilluni suliamut Namminersorlutik Oqartussat aningaasartuutaat ingerlatseqatigiiffimmit akilerneqassasut isumaqarpoq.

18,7 millionit koruunit sinnerlugit aningaasartuuteqarfiusoq

Namminersorlutik Oqartussat sinnerlugit suliami suliaqartumut Københavnimi Naalagaaffimmut eqqartuussissuserisumut Poul Schmithimut ukiuni kingullerni pingasuni 18,7 millionit koruuninik ilaatigut aningaasartuuteqarsimasut, Naalakkersuisoqarfik Sermitsiamut ilisimatitsivoq.

Ingerlatseqatigiiffiup suliami ajorsaraluaruni, akiligassat matussusersinnaanerai Naalagaaffimmi eqqartuussissuserisup isumakuluutigalugu siusinnerusukkut oqaatiginikuuaa.

Energy Transition Mineralsip aamma Greenland Mineralsip Namminersorlutik Oqartussat piiaanissamut akuersissummik itigartitsinerannut 80 milliardit koruuninik taarsiissuteqarnissamik suliakkiissutaa, Nunatta Eqqartuussisuuneqarfiani Københavnimilu eqqartuussivimmi suliarineqartussaapput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

naaja h. nathanielsen kuannersuit greenland minerals erhverv voldgiftsret naalakkersuisut

Atorfiit tamaasa takukkit

Powered by Labrador CMS