2025-mi ukiup affaa siulleq Royal Arctic Linemut
imaannaasimanngilaq, nunatsinnimi nunatsinnullu 2024-mi ukiup affaata
siullermut sanilliullugu assartugakinnerummat. Umiarsuaatileqatigiiffiup
2025-mi ukiup qiteqqunnerani nalunaarusiaani aggustimi saqqummersumi taama
allaqqavoq.
Illoqarfimmi kranersuit ikilisut
2025-mi ukiup affaa siulleq Royal Arctic Linemut
imaannaasimanngilaq, nunatsinnimi nunatsinnullu 2024-mi ukiup affaata
siullermut sanilliullugu assartugakinnerummat. Umiarsuaatileqatigiiffiup
2025-mi ukiup qiteqqunnerani nalunaarusiaani aggustimi saqqummersumi taama
allaqqavoq.
Illoqarfimmi kranersuit ikilisut
Nunatsinni assartugai ikileriaateqarnerpaasimasut, tassa nunatsinni 17
procentimik, nunatsinnut 5 procentimik nunatsinniillu 3 procentimik
assartugakinnerusimasoq nalunaarsugaataani erserpoq.
– Pisarnermit assartugakinnerusimasugut paasillugu
soorunami nuanninngilaq. Tamanna kimilluunniit nuannaarutigineqanngilaq,
pisortaaneq Niels Clemensen oqarpoq. Atortussat maskiinallu sanaartornermi
pisariaqartinneqartut ikilinerannik kinguneqartumik 2025-mi
saanaartortukinnerusoqarnera pisarnermit assartugakinnerunerannut pissutaasoq,
taanna isumaqarpoq.
– Nuummimi sanaartortukinnerusoqalersimanera malunnarpoq.
Kranersuit ikilipput, mittarfissualiornerlu ataatsimut isigigaanni
naammassineqareerluni. Sanaartornermi angisuunik nutaanik aamma suliniuteqalersaartoqarpasinngilaq,
taamaammat qullermut attataasamik qamitsisoqarsimaneratulli misinnarpoq. Suliaqarneruleqqinnissamut
naleqqussarnissap piffissartorfiusussaanera unammillernartoraa. Misigereerparpulli,
anigussaqqaarparpullu. Namminersortut ukiuni kingullerni
inissialiortuunerpaapput, pisortalli sanaartornissaat amerlanertigut
piumaneqarnerusarluni. 2027-milu akunnittarfiliortoqalerumaartoq
inissialiortoqalerumaartorlu qularinngilara, Niels Clemensen oqarpoq.
Naammassisaqarneruniartut
Pisarnermit assartugakinnerunertik ima ajortiginngitsoq,
allaat aallussatigut inuttalersuinikkulluunniit naleqqussaalertornissamik
kinguneqartariaqanngitsoq, Royal Arctic Line isumaqarpoq. Royal Arctic Line nunatsinni
quersuimini 13-iusuni aamma Aalborgimi Aarhusimilu immikkoortortaqarfimmini
maannakkorpiaq katillugit 735-nik sulisoqarpoq. Qulinit amerlanerusunik
umiarsuaqarpoq.
– Sipaarniuteqarniartutta
umiarsuatta ilaat atorunnaarlugu tunisariaqassavarput, tamannalu kiffartuussinikinnerulernitsinnik
akiliisinnaassusikinnerulernitsinnillu kinguneqassalluni. Taamaammat
naammassisaqarneruliinnartariaqarlutalu atorluaaneruliinnartariaqarpugut. Umiarsuarmik
nassiussalerinermi tassa taamaappoq. Pissutsit pitsaanerulersarlutillu
ajornerulersarput, Kalaallit Nunaannilu pingaarnertut
aningaasarsiorfigisatsinni pissutsit qanoq aallussaqarsinnaatiginitsinnut tassa
aalajangiisuulluinnartarput, Niels Clemensen oqarpoq. Royal Arctic Linep 2025-mi akileraatigani 1 millionit koruunit 10
millionit koruunillu akornanni angusaqarnissi naatsorsuutigaa.
.
