Pepsi
Max-it Brugsenimi sapaatit-akunneri marluk qaangiuttut
neqeroorutigineqarput. Qillertuusat pingasut, ataaseq 33 cl, 30
koruunit - tassa qillertuusaq ataaseq 10 koruuneqarluni saniatigut
puuata utertinnissaanut qularnaarut.
Danmarkimi
pisiniarfimmi Min Købmandimi sapaatip-akunnerani tassani Pepsi
Max-imik aamma neqerooruteqartoqarpoq. Qillertuusat 24-t 69
koruuneqarlutik - tassalu ataaseq 2,88 koruuni puuatalu
utertinnissaanut qularnaarut.
Pepsi
Max-it Brugsenimi sapaatit-akunneri marluk qaangiuttut
neqeroorutigineqarput. Qillertuusat pingasut, ataaseq 33 cl, 30
koruunit - tassa qillertuusaq ataaseq 10 koruuneqarluni saniatigut
puuata utertinnissaanut qularnaarut.
Danmarkimi
pisiniarfimmi Min Købmandimi sapaatip-akunnerani tassani Pepsi
Max-imik aamma neqerooruteqartoqarpoq. Qillertuusat 24-t 69
koruuneqarlutik - tassalu ataaseq 2,88 koruuni puuatalu
utertinnissaanut qularnaarut.
Kalaallit
Nunaanni akit Danmarkimit qaffasinnerunerat nutaarsiassaanngilaq,
taamaattuaannarnikuugamik – aamma Danmarkimi nioqqutissat tamarmik
25 procentimik moms-eqaraluartut.
Danmarkimi neqeroorutit: Pepsi Maxit 24-t, ataaseq 2,88 koruunilik.
Assi: Jesper Hansen
Akitsuutit
qaffasissut
Imeruersaatit
nunatsinni akitsoraluttuinnarnerat pillugu Kalaallit Nunaanni
Brugsenimi tuniniaanermut pisortaq Benny Reffeldt Otte Sermitsiap
paasiniaaffigaa.
-
Kalaallit Nunaanni akitsuutit pissutaanerpaapput, tuniniaanermut
pisortaq nassuiaavoq.
-
Imeruersaat qillertuusaq 33 cl-iusoq 5,40 koruuninik akitsuuteqarpoq,
tamannalu tuniniaanermi qanoq akeqassanersoq suli inissinneqartinnagu
ilanngunneqartariaqarpoq.
-
Akitsuutit pingasuupput – imeruersaatinut kulsyremik akulinnut
akitsuut, imeruersaatinut immutaqanngitsunut puuinut akitsuut kiisalu
imeruersaatip puaata utertinnissaanut qularnaarut 2 koruuninik
akeqartoq.
-
Tassa imaappoq imeruersaat ataaseq ”aallartissutitut” 5,40
koruuneqarpoq – tamatumalu kingorna aatsaat pisinermut,
assartuinermut, suliarineqarnissaanut, toqqorsivinniitinnissaanut
nittarsaassinnerannullu aningaasartuutit naatsorsorsinnaalissavagut.
Aamma iluanaaruteqalaartariaqarpugut kissaatigaarput.
Immiaaqqat
ajornerupput
Kalaallit
Nunaanni immiaaqqat akii qiviarutsigit, akitsuutit aamma
pissutigalugit Danmarkimit nunanillu allanit akisunerupput. Tassani
immiaaqqap nalinginnaasup akia tunngaviusoq – assersuutigalugu
Carlsberg 33 cl-imik imalik 11,09 koruuniuvoq.
-
Immiaaqqat 4,10-miit 5,09-mut aalakoornartortallit literimut 23
koruuninik akitsuuserneqartarput. Taakkua saniatigut imeruersaatit
assigalugit immummik akoqanngitsut puuinut akitsuut aamma 60 oorinik
akiligassaq akilerneqartarput, Benny Reffeldt Otte nassuiaavoq.
-
Danmarkimit aamma puunut akitsuut marloriaataasoq aasap ingerlanerani
allanngortinneqartoq atuunnikuuvoq, taamaalilluni
utertitsisoqarsinnaanngorlugu. Nioqqutissat puuinut marloriaammik
akitsuuteqarnikut pisiniarfitsinni tamani akii
nalimmassarneqarnikuupput.
Tassa
akit qaffasissusaannut nassuiaat. Akitsuutit – politikkilu
pissutaavoq, taamaattumik akit apparnissaat
ilimanaateqarpallaanngilaq. Inatsisartut maanna ataatsimiipput –
ilaatigut ukiuni tulliuttuni aningaasanut inatsit
akuersissutiginiarlugu. Sutigut tamatigut sipaarniartoqassasoq
nalunaarutigineqareernikuuvoq, akitsuutinillu appaanissaq
pilersaarutaanani.
Kalaallit Nunaanni imeruersaatinut immiaaqqanullu akitsuutit
Pepsi Max qillertuusaq 33 cl
Imeruersaatinut kulsyrilinnut akitsuut 1,90
Puuinut akitsuut 2,90
Puukuisa utertinnissaannut qularnaveeqqut 0,60
Katillugit 5,60
Carlsberg immiaaraq 4,6 procent, 33 cl
Aalakoornartumut akitsuut 7,59
Puuinut akitsuut 2,90
Puukuisa utertinnissaannut qularnaveeqqut 0,60
Katillugit 11,09
Paasissutissanik
aallerfik:
Tuniniaanermut
pisortaq
Benny Reffeldt Otte, Kalaallit Nunaanni Brugseni
