Manniit tukernerat, kukkukuuaqqallu 14-it
tukeqqammersut qulliup kissartup ataani takussaalernerat, aggustip naalernerani
Facebookikkut toqqaannartumik aallakaatinneqartoq inuppassuarnit pissangalluni
malinnaaffigineqarpoq.
Inuusuttuaqqanullu Tasiilami innuttaasunik
tapersersortarialinnik ingerlatsivimmut Siu-Tsiu-mut attuumassuteqartunut
tamanna immikkut pissanganarpoq. Tassami kukkukuuaraateqarnermi nutaanik
suliassaqarlunilu aamma nutaanik pisussaaffeqarmat. Siullermik kukkukuuaqqanut
inissaliortoqassaaq, taavalu saliisoqassalluni. Kingusinnerusukkut kukkukuuaqqat nunap immikkoortuani inuussutissanik
pilersuinermi isumannaatsuunermut tapersiillutik kaaviiaartitsinermut
peqataassapput, Tasiilamilu Naatsiivimmi naggorissaasoqartassalluni.
Siu-Tsiu
Siu-tsiu tassaavoq
suliffeqarfik innuttaasunik tapersersortarialinnik sullissivik Nuummi
allaffeqarfeqartoq, aamma Qaqortumi Tasiilamilu kiffartuussivinnik
immikkoortortaqartoq.
Nuummi allaffeqarfimmit siunnersuisarlutillu aamma
ilisimasanik siammarterisarput aamma innuttaasunik tapersersortarialinnik
sullissineq pillugu.
Qaqortumi Tasiilamilu kiffartuussivinnit
neqerooruteqartarput suliassanik atoriaannaasunik, soorlu takisuunik
issiaviliornernik, quersuarni saliinermik imaluunniit naatitanik naatitsisarnermik
tuniniaasarnermillu.
Suliassanik suliaqartarnikkut suleqatigiinnerlu
aqqutigalugit inuusuttuaqqat sulinermik ilinniagaqarnikkulluunniit
ingerlaqqinnissaminnut
Nikolaj Mathias, Tasiilami innuttaasunik tapersersortarialinnik ingerlatsivimmut Siu-Tsiu-mut attuumassuteqartoq, kukkukuuaqqat 14-it, qullermi kissartumi tukertinneqaqqammersut ilaat, tigummigaa.
Manniit tukernerat, kukkukuuaqqallu 14-it
tukeqqammersut qulliup kissartup ataani takussaalernerat, aggustip naalernerani
Facebookikkut toqqaannartumik aallakaatinneqartoq inuppassuarnit pissangalluni
malinnaaffigineqarpoq.
Inuusuttuaqqanullu Tasiilami innuttaasunik
tapersersortarialinnik ingerlatsivimmut Siu-Tsiu-mut attuumassuteqartunut
tamanna immikkut pissanganarpoq. Tassami kukkukuuaraateqarnermi nutaanik
suliassaqarlunilu aamma nutaanik pisussaaffeqarmat. Siullermik kukkukuuaqqanut
inissaliortoqassaaq, taavalu saliisoqassalluni. Kingusinnerusukkut kukkukuuaqqat nunap immikkoortuani inuussutissanik
pilersuinermi isumannaatsuunermut tapersiillutik kaaviiaartitsinermut
peqataassapput, Tasiilamilu Naatsiivimmi naggorissaasoqartassalluni.
Kukkukuuteqarnermut pikkorissilluarutta neriuppugut manninnik amerlasuunik
tunisassiorsinnaalerumaarluta, nunap immikkoortuani inuussutissanik
pilersuinermut aamma tapersiisinnaalissalluta. Qaammatini arlalinni Tasiilami
manneqarneq ajorami – illoqarfimmilu arnat kaagiliullaqqissut amerlaqisut
mannissaaleqisarlutik, Siu-Tsiu-mi ingerlatsinermut pisortaq Hanne Danielsen
Siu-Tsiu-mut oqarpoq.
Tasiilami takuniagassat alutornartut
Tasiilami
ilaqutariippassuit ulluni kingullerni Siu-Tsiup illuanut aqqusaarsisarput,
kukkukuuaqqat suli iniminniittut alakkariartorlugit.
Allineruppata
aneersinnaanngorlutillu kukkukuut inaani aallaqqaammut mikisumi
kingusinnerusukkullu kukkukuunut inissiami anginerusumi ineqassapput. Taakkua
inuusuttuaqqat namminneq sanassavaat, aqutsisortik Mati Larsen aamma
suliniummik aqutsisut Karl Bianco aamma Iddimanngiiu Bianco peqatigalugit.
Mingutsitsinngitsumik atuilernissamut pingaarnertut inissisimassasut
Siu-Tsiu Avatangiisinik Illersuiniaqatigiiffimmut WWF-imut peqateqarnissamut
qanittukkut isumaqatigiissuteqarpoq, najukkami ineriartortitsinissamut nutaamik
periuseqarnissaq qitiutinneqarluni – tamatumani inuusuttut, pinngortitaq
aningaasaqarnerlu ataatsimoortinneqassallutik.
Assilissanik
ilisarnaatinik agguaanissaq suliniutinilluunniit ineriartortitsinissaq
pineqanngillat, periaatsilli eqqarsaatigineqassallutik, tamatumani Tunumi
inuusuttut isiginnaartuuinnaratik mingutsitsinngitsumik atuilernissamut
pingaarnertut inissisimalernissaat pineqarluni.
Inuusuttuaqqat namminneq kukkukuuaqqat iniliuuppaat, ilisimasaqarluartunik siunnersorneqarlutik.
Foto: Siu-Tsiu
Suleqatigiinnermi
piviusunik suliniutit aallaavigineqarput, Tasiilami inuusuttuaqqat
mingutsitsinngitsunik aaqqiinernut akisussaasutut piginnittutullu
misigisimanissaat aallaavigineqarluni. Assersuutigalugu kukkukuuaraateqarnermik
aallartitsinikkut. Aammali eqqakkat uumassusilinneersut – soorlu aalisakkat
niaqui nerisassallu sinneri – naggorissaatitut qimmillu nerisassaatut
piujuartitsisumik tunisassiornermik iluaqutinngortinneqarsinnaapput.
Najukkami nerisassiornermut ilitsersuut
Suleqatigiinnissamik isumaqatigiissutip
saqqummiunniunnissaanut atatillugu igasut najukkamilu najugaqartut
suleqatigalugit nunap immikkoortuani nerisassiornermut ilitsersuummik
atuakkiortoqassaaq, taamaalilluni nerisassiornermut ilitsersuutit najukkamilu
nerisassioriaatsit uppernarsaaserneqarniassamata
isumassarsiorfigineqarsinnaassallutillu.
Atuakkami iganermut ilitsersuummi
takornariat kisimik saaffigineqanngillat, aammali Tasiilami piujuartitsisumik
nerisassiornermik kulturip ineriartortinneqarneratut isigineqassalluni.
