KL

DK

2024 Qeqqata Kommunianut allanngorfioqaaq

Ukioq 2024 naagaluttualeqaaq. Ukioq borgmesterimut aalajangiiffigisassanik, unammillernartunik nuannersunillu pisoqarfiusoq naalerpoq. Politikkikkut aalajangiiffigisassat kunngikkormiullu tikeraarnerat innuttaasunik ataatsimoorsitsisoq eqqaamallugit borgmesteri kingumut qiviarpoq.

– Vi har investeret i alt 25 millioner kroner for at udvikle det kommunale kajanlæg og ligesom vi vil foretage havneopfyld i Paaraarsuk, hvilket ikke alene vil give bedre forhold for brugerne af havnen, men også skabe en større omsætning for byens erhvervsliv, siger borgmesteren i Qeqqata Kommunia, Malik Berthelsen, Siumut. Planlægningen af det store projekt begynder denne sommer, mens selve byggeriet starter næste å
Tôrtia Reimer-Johansen
Journalist
Offentliggjort

Qeqqata Kommuniani borgmesteri, Malik Berthelsen allaffimmini issiavoq. Eqqaminiittoq igalaaq qiviarpaa. Itisuumik eqqarsaateqaraangami igalaaq qiviaqqajaasarpaa.

Ukioq naalersoq eqqarsaatigaa.

Borgmesterip kommunalbestyrelsimut ilaasortat peqatigalugit ukioq ulapaarfiusoq politikkikkut aalajangiinernik, kunngikkormiunik tikeraarnernik allanillu Qeqqata Kommuniata siunissaanik pitsaanerusumik qulakkeerinnittussalik ulapputigaa.

Timmisartorsuaq Tuukkaq Kangerlussuarmut naggataamik novembarip 26-ani mippoq. Mittarfiit allannguuteqarnissaat peqqutaalluni Kangerlussuarmi ilaqutariit 40-it tikillugit angerlarsimaffii poortorneqarput. Taakku Nuummut Ilulissanulluunniit nutserput. Naak Kangerlussuarmi innuttaasut ikileriaraluartut, borgmesteri suli isumalluarpoq:

-  Kommunerput ineriartornermut peqataanissaa pingaartittorujussuuvarput. Taamaattumik Kangerlussuup nunatta avataaniit siunissami suli timmisartuussiffigineqartarnissaata qulakkeerneqarnera assorujussuaq nuannaarutiginikuuarput. Tassami Kangerlussuarmi inupparujussuit mittarfimmut attuumassuteqarlutik sulisuupput, taakkualu tamaasa annaasimagaluarutsigit uagutsinnut ajortorujussuussagaluarpoq. 

Marluk siunissamut qaamatitsisuupput:

- Kangerlussuup nunatta avataaniit siunissami suli timmisartuussiffigineqartarnissaata qulakkeerneqarnera aammalu Saviminilerinermik ilinniarfimmik nutaamik Sisimiuni sanasoqarnissaanik aalajangerneq assorujussuaq nuannaarutiginikuuvagut. 

Kunngikkormiut tikeraarnerat qanillisitsisoq

Puigunaatsut ilagaat kunngikkormiut Sisimiunut tikeraarmata - Kunngip kunngitut nunatsinnut tikeraaqqaarnera. Malik Berthelsenip innuttaasunut misigisaq anneruujusoq oqaluttuaraa:

-  Isumaqarpunga Kunngi Frederiup, Kunngisut Sisimiunut tikeraaqqaarnera innuttaasut nuannersumik puigunaatsumillu misigisaqarfigigaat. Namminerlu immikkut nuannaarutigaara nammineq kajumissutsiminnik sulisorpassuagut Kunngikkut peqatigalugit Taseralimmi ataatsimooqatigisinnaagatsigit minnerunngitsumillu angajoqqaat meeqqanik paarsisartut ataqqiniarlugit Kunngikkut umiarsuaannut immikkut Kunngikkunniit qaaqqusaanerat nuannaarutigaara. Taakkuuppummi inuiaqatigiinni tamatsinnut maligassiuillutillu sapiitsuliortuusut.

Atuarfik Kilaaseeqqap nutarsarneqarnera

- Politikkikkut ukioq manna angusat suut tulluusimaarutigaagit?

- Maniitsumi Atuarfik Kilaaseeqqap iluarsatuunneqarnissaa ukiorpassuarni utaqqineqarsimasup tamakkiisumik iluarsartuunneqarnissaata qulakkeerneqarnera uagutsinnut Maniitsormiunullu angusaavoq angisooq nuannersorlu.

 - Suullu pitsaanerusinnaappat?

- Anguniakkatta angunissaanut piffissap sivisusarnera naammagittarnartarpoq. Soorunami innuttaasunut sullissinerit aamma pitsaanerusinnaajuaannarput.

- Ukioq nutaaq tassaassaaq qinersiffik, qinersinissaq eqqarsaatigalugu ukioq nutaamut suna neriuutigaajuk?

- Neriuppunga kommunalbestyrelsemi partiit apeqqutaatinnagit pitsaasumik suleqatigiinnerup ingerlaqqinnissaa. Taamaattoqartillugumi isumaqarpunga innuttaasunut kommunimullu toqqissisimanarnerullunilu pitsaanerpaasartoq. 

- Kommunimut qinersilerutta sassaqqinniarpit?

- Aalajangernera massakkut oqaatigisinnaanngikkallarpara, borgmesteri illarpoq naggasiillunilu.

inuiaqatigiit samfund

ATORFIIT Se alle jobs

Powered by Labrador CMS