Peqqinnissaqarfik Narsami isornartorsiuineq pillugu akissuteqartoq: Sulisut soraakaanerat ilumoornerarpaat, eqqissisimanissamilli oqaloqatigiinnissamillu neriorsuipput

Peqqissaasut pingasut Narsap peqqissaaviani aqutsisunik naammaginninnginnertik pissutigalugu qaammatit nikinneranni soraarput. Atorfiit marluk inuttaqaleqqereersut oqaloqatigiissuteqartoqaqqilernissaanillu neriorsuuteqartoqartoq Peqqinnissaqarfimmit maanna nalunaarutigineqarpoq.

Narsaq
Saqqummersinneqarpoq

Peqqissaasut arlallit Narsami sulisussaaleqineq aqutsisullu paasinerluineri pissutigalugit decembarip aallaqqaataanit suliunnaarsimasut qanittukkut Sermitsiami allaaserineqarpoq.

KNR-ip aamma Narsami peqqinnissaqarfimmi pissutsit siusinnerusukkut allaaserai.

Peqqissaasut arlallit Narsami sulisussaaleqineq aqutsisullu paasinerluineri pissutigalugit decembarip aallaqqaataanit suliunnaarsimasut qanittukkut Sermitsiami allaaserineqarpoq.

KNR-ip aamma Narsami peqqinnissaqarfimmi pissutsit siusinnerusukkut allaaserai.

Peqqissaasoq Berit Byg naapertorlugu suliffeqarfinni aqutsisut paasinnittuuneq ajorput.

– Siunissamut isumalluartumik isiginnittaaseqarluta oqaluttuassasugut sulisullu ikilisarneqarnissaat pillugu naammagittaalliornitsigut innuttaasut toqqissisimajunnaartissanngikkigut oqarfigineqarpugut. Sulisunik ikilisaasoqarnerani isumasiorneqanngilagut. Sulialluunniit ingerlanerani ilisimatinneqartariarsimanngilagut.

Isumakuluutit suliffimmilu tatisimaneqarneq

Sermitsiap peqqinnissaqarfimmi pisortat apeqquteqarfigisimavai, taakkualu sulisut arlallit suliunnaarsimasut uppernarsarpaat, taamatuttaarlu ernumassutit pimoorullugillu peqqissaavimmi sulisut ullut tamaasa tunniussaqartarnerat nalunnginnerarpaat.

„Narsami Peqqissaavik sulisussaaleqineq sulinerlu annertuallaarnera pissutigalugit piffissap ilaani oqallisigineqarpoq. Peqqinnissaqarfimmi pisortaqarfiup ernumassutit tamakku ilumoorullugit suliarisarpai, peqqissaavimmilu sulisut ullut tamaasa iliuuseqangaarnerat nersorpaa.“

Peqqissaasoq Berit Byg naapertorlugu namminermi saniatigut aamma allat marluk decembarip aallaqqaataani suliunnaarput.

Tamanna peqqinnissaqarfimmi pisortanit uppernarsarneqarpoq.

„Narsami peqqissaasoq aalajangersimasumik atorfeqartoq ataaseq decembarip aallaqqaataani soraarniuteqarniarluni aalajangerpoq. Peqqissaasup ataatsip taartaagallarnini qaammammik ataatsimik sivikillisippaa. Tamatuma saniatigut peqqissaasoq piffissap ilaani allami suliniarluni atorfimminit sulinngiffeqarallarpoq.

Peqqinnissaqarfimmi pisortat naapertorlugit atorfinnut marlunnut peqqissaasunik misilittagartuunik decembarip aallaqqaataani atorfinitsitsisoqassaaq. Atorfiup inuttaqanngitsup kingulliup inuttalernissaa suli sulissutigineqarpoq.

Atuivallaarneq

Narsami peqqissaavik ukiuni kingullerni aningaasanut missingersuummut sanilliullugu atuivallaarsimavoq, 2026-milu 3,2 mio. kr.-nik ilaneqarluni. Piffissap ilaani atorfik inuttassarsiuunneqareersoq Kujataani aqutsisoqarfik, nunap immikkoortuani nakorsamut pisortaqalerlunilu peqqissaasunut pisortaqalerluni. tamakkiisumik inuttaqalerpoq.

Nunap immikkoortuani aqutsisut „sulisut suliamut tunngatillugu naliliineri misilittagaatillu peqqissaavimmi pisinnaasat pitsaanerpaamik atorneqarnissaat qulakkeerniarlugu sulinermut ilanngunneqarsinnaaqqullugit Narsami eqqissisimaneq patajaallisarneqalu qulakkeerniarlugu malinnaallutik sulisut oqaloqatigisaraat“ paasitinneqarpugut.

Peqqinnissaqarfimmi pisortat „ sulisunik aaqqissuussaanermillu allannguinerit sulisunut innuttaasunullu toqqissisimajunnaartitsisinnaasut paasisinnaallugu“ allapput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS