Peltolap qinigaanera pillugu Aaja Chemnitz isummerpoq: Oqariartuut sakkortooq

Demokraatineersoq Mary Peltola Alaskami senatimut qinersinermi ajugaasutut pingasunngormat nalunaarutigineqarpoq. Taanna republikaaneri Lisa Murkowski peqatigalugu Alaska sinnerlugu senatimi maanna ilaasortanngussaaq, Folketingimilu siusinnerusukkut ilaasortaasup tamanna qilanaareqaaq.

Mary Peltola Alaskami Betelip eqqaani nunap inoqqaavinik ataatsimiititalianut annerpaamut, ONC-mut (Orutsararmiut Traditional Native Council), ilaasortaavoq. Demokraatit sinnerlugit senatimut maanna qinigaavoq, USA-mi inatsisartut aappaanni Repræsentanternes Husimi siornatigullu ilaasortaanikuuvoq.
Saqqummersinneqarpoq

 Demokraatineersoq Mary Peltola Alaskami senatimut qinersinermi ajugaasuusutut pingasunngornermi nalunaarutigineqarpoq. USA-mi novembarip pingajuani qinersisoqarnerata kingorna qinersivinni taanna utaqqisaaginnalerpoq.

Peltolap ajugaanera Demokraatit Senatimi amerlanerussuteqarnerulernerannut pissutaavoq, qinigaaffiup qiteqqunnerani aqutsineq tigugamikku.

 Demokraatineersoq Mary Peltola Alaskami senatimut qinersinermi ajugaasuusutut pingasunngornermi nalunaarutigineqarpoq. USA-mi novembarip pingajuani qinersisoqarnerata kingorna qinersivinni taanna utaqqisaaginnalerpoq.

Peltolap ajugaanera Demokraatit Senatimi amerlanerussuteqarnerulernerannut pissutaavoq, qinigaaffiup qiteqqunnerani aqutsineq tigugamikku.

Folketingimut siusinnerusukkut ilaasortaq Aaja Chemnitz, Mary Peltolap sulineranik malinnaalluartoq, isumaqarpoq qinersineq USA-mi nutaamik siuariartornermut tamanna takussutissaasoq.

– Mary Peltola nunap inoqqaavinut sinniisuuvoq, uagullu Kalaallit Nunaanniittut amerlaqisut sivisuumik malinnaavigaatigut. Inuiaqatigiinni ilaqutariinnilu ileqqutoqqanik sakkortuumik illersuisuuvoq, soorluttaaq uagut maani Kalaallit Nunaanni, taamaattugut. Taamaattumik isumaqarpunga amerlasuut tarrarsorfigisinnaagaat. Qularnanngitsumillu taaguunneqarluarpoq. Qularnanngilaq nutaamik nukissanik tuniorarneqartoq, tamannalu Alaskami ikinnguterpassuannut nalunngisarpassuannullu ajunngeqaaq. Inuit nuannaaqaat.

Aalisakkat, ilaqutariit kiffaanngissuseqarnerlu

Alaskami Anchoragemi Demokraatit qinigassanngortitaat Mary Peltola annertuumik tapersersorneqarpoq.

Mary Peltonap, USA-mi Repræsentanternes husimi siornatigut ilaasortaasup, Alaskap aalisagartaannik ukiut ingerlaneranni illersuinissaq, kilisaatinik aalisarnerup killilersimaarnissaa, ilaqutariinnut inuuneq ajornannginnerulersinniarlugu iliuuseqarnerunissaq kiisalu nunap immikkoortuani namminersornerulernissamik oqariartuut "Aalisagaq, ilaqutaasut kiffaanngissuseqarnerlu“-mik qulequtalik iluatsilluartumik qineqqusaarutigisarpaa.

– Qineqqusaarneq tamaat "Aalisagaq, ilaqutaasut kiffaanngissuseqarnerlu“ oqarartuutitut ilisarnaatigaa. Pingaartumik oqaaseq "aalisagaq“ ersersitsivoq pinngortitap pisuussutaasa qanoq pingaaruteqartiginerat. Lisa Murkowski uuliasiornissamik tapersersuisoq assiginagu Peltola ileqqutoqqanik inuuniuteqarnermik inuussutissarsiornermillu ineriartortitsinermik tapersersuisuuvoq, tamannalu Alaskami avinngarusiusimasumik taaneqartartumut tulluartuuvoq. Taamaattumik ajugaanera ilisarnaataalluinnarpoq, upperaaralu naalagaaffiup ilarujussuani neriuuteqalersitsisimassasoq.

Murkowski ilitaarpoq

Aaja Chemnitz præsident Trumpip Kalaallit Nunaat pillugu nalunaarutaa tunngavigalugu qallunaat kalaallillu politikeriisa aamma USA-p senatianut kongressianilu ilaasortat ataatsimiinnissaannut 2026-mi januaarimi aaqqissuisuuvoq.

Aallartitat Alaskamit senatorimit Lisa Murkowskimit, republikanerimit, siulersorneqarput. Taanna Kalaallit Nunaannut qanimut ikinngutaasutut isigineqarpoq, aamma Danmarkimi ataatsimiinnermi Kalaallit Nunaat pillugu sakkortuumik oqaaseqarpoq. Alaska sinnerlugu senatimi ilaasortaasut maannakkut tassaapput, Lisa Murkowski aamma Mary Peltola.

– Lisa Murkowski politikkeriuvoq piviusorsiortoq, ilaannikkullu Donald Trumpimut akerliulluni Demokraatinik taaseqataasarpoq Republikanerinut taaseqataanani. Taamaattumik qularutiginngilara pitsaasumik suleqatigiissinnaassasut nukittuumik inissisimallutik. Kalaallit Nunaat nalinginnaasumik qallunaat Folketingianni Alaskatut USA-miittutut inissisimaffeqarpallaarneq ajorpoq. Taamaammat oqassaanga nukittunerusumik taasisoqartalersillugu nunallu imaluunniit sumiiffiup sinniisuuffigisavit ataatsimut ineriartortinneqarnissaanik ataatsimoorluni tapersersuineq annertusiartortillugu nukittunerusumik inississallutit.

Inatsisartuni nunanut allanut sillimaniarnermullu ataatsimiititaliami taamani siulittaasuusoq Pipaluk Lynge (qeqqani) aamma Folketingimi taamanikkut ilaasortaasoq, Aaja Chemnitz, USA-p senatoriinik kongressimilu peqateqarlutik ukioq manna januaarimi ataatsimeeqateqarnissamik, aaqqissuussami.

- Nalunngilara tamanna aamma Lisamut qanoq unamminartigisimasoq, taamaattumik takusinnaaginnarpara suleqatissaqalersoq. Soorunami assigiinngitsunik isumaqatigiinngissuteqartoqarsinnaavoq, allatulli isigissagukku Alaskap nukittunerulernera ersarippoq.

Piffissaq nutaaq inuuffigisarput

Isumaqarpit Kalaallit Nunaata Alaskallu suleqatigiinnerat annertusineqarsinnaasoq?

– Aap, USA Kalaallit Nunaannut tatiginninnermik pilersitseqqittariaqartoq misigisimavunga. Tamanna kikkut tamarmik nassuerutigigaat isumaqarpunga, aamma Lisa Murkowski oqaloqatigigaangakku tamanna nassuerutigisarpaa. Aamma isumaqarpunga Kalaallit Nunaat, Alaska immaqalu aamma Nunavut Canadamilu sumiiffiit allat issittumi suleqatigiinnermut matuersaataasinnaasut.

Mary Peltola nunap inoqqaavinut sinniisuusut arlallit piffissami qinersiviup ingerlanerani qinerneqartut ilagaat.

- Sakkortuumik tamanna takutitsisuuvoq, tamannalu piffissap nutaap, inuuffigisatta nalaanut uppernarsaataavoq. Aamma ima oqartoqarsinnaavoq maanna USA Amerikap inoqqaavinut utertinneqartoq. Isumaqarpunga annertuumik neriulersitsisoq peqataasut amerlasuut, ingammik arnat aatsaat taama amerlatigisut USA-mut sinniisuulermata.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS