NUNARSUAQ TAMAKKERLUGU ANGUTIT ULLUAT

– Angutit kalaallit sunik takorluugaqartarnersut naluarput

Inuiaqatigiinni allanngorartuni inuusuttuullunilu ataataaneq qanoq ippa? Apeqqut tamanna ilisimatuup Kenneth Reinickep suleqatinilu Ilisimatusarfimmi akissutissarsinialerpaat. Kalaallillu ataataasut maanna naapereerpai, taakkualu ataatatut inissisimaffimmut angutillu atugaannut nutaamik isiginnittaaseqalersippaat.

- Angutit atugarlioraangamik imminnut ajoqusiinnarneq ajorput, ilisimatooq Kenneth Reinicke oqarpoq. Taanna ilisimatusarnermi suliniummut 'Masculinity, Care, and Environmental Change: Young Men’s Lives in Greenland'-imut (Anguterpalussutsip avatangiisillu allanngorarneri pillugit angutit kalaallit inuusuttut atugaat pillugit suliniut. aaqq.) 3,8 millionit koruuninik ukioq manna aningaasaliiffigineqarpoq.
Saqqummersinneqarpoq

- Nuliarisaq Nuummut erniartussappat namminerlu peqataajartornissamut periarfissaqanngikkaanni Qanoq angutitut iliortoqassava?

Tassa apeqqutit ilaat, angutit pillugit ilisimatuup Kenneth Reinickep itisiliilluni piffissarujussuaq atorlugu misissuiffigisaa taama nipeqarpoq.

- Nuliarisaq Nuummut erniartussappat namminerlu peqataajartornissamut periarfissaqanngikkaanni Qanoq angutitut iliortoqassava?

Tassa apeqqutit ilaat, angutit pillugit ilisimatuup Kenneth Reinickep itisiliilluni piffissarujussuaq atorlugu misissuiffigisaa taama nipeqarpoq.

Taanna Roskilde Universitetimi inuiaqatigiilerinermi inuussutissarsiornermilu ulluinnarni lektoriuvoq, tassanilu suiaassuseq, naligiissitaaneq angutillu pillugit ukiuni 20-ni ilisimatusarlunilu ilinniartitsivoq.

Taassuma ilisimatusarnermini Kalaallit Nunaat qaammatini arfineq-pingasuni kingullerni sammineruaa, sumiiffinnilu arlalinni misissuereerpoq. Angutit inuusuttut nunatsinniittut kinaassutsiminnik inuiaqatigiinnilu allanngorartumi inissisimaffimminnik qanoq aqutsisinnaanersut Ilisimatusarfimmi suleqatinilu akissutissarsiorniarsarisarivaat.

Toqqaannartumilluunniit oqaatigissagaanni:

- Angutit inuusuttut kalaallit sunik takorluugaqarnersut ilisimasaqarfigivallaanngilarput. Inuusuttuulluni ataataaneq angutitulluunniit inuusuttuuneq qanoq isumaqarfigivaat?

Ilisimatooq nunarsuaq tamakkerlugu angutit ulluat malunnartinniarlugu maannamut suliami qanoq ingerlaneranik oqaluttuaqqullugu qinnuigaarput.

Inuunermi atugassarititaasut ataatamut ilungersunarnerusut

Kenneth Reinickep angutit inissisimaffii angutaassuserlu ilisimasaqarfigilluarpai. Danmarkimi ’metoo’-mik oqariartuuteqartoqarnermit sooq angutit atoqateqarnissaminnut akiliisarnerannut apeqqutinut. Kisiannili aamma ataataaneq tiguartisimaffigaa, pingaartumik inuussuttuulluni ataataaneq.

- Kalaallit Nunaanni ilaqutariinnik pilersitsisarneq siusissukkut pisarpoq, ataataanerullu qanoq ittuunerata misissornissaa soqutiginarsinnaasoq eqqarsarpunga, taanna oqarpoq.

- Nalunngilarpummi ataataaneq angummut nakussatsissutaasinnaasoq.

Aappariittut avissaarnermi attaveqatigiinneq kipineqartartoq ilaasa oqaluttuaraat. Anaanaasoq meeqqani ilagalugit avannaanut nuussimasoq Kujataani apersukkatta ilaat oqaluttuarpoq.

Kenneth Reinicke, Roskilde Universitetimi lektori aammalu angutit angutaanerlu pillugit ilisimatooq.

Kenneth Reinicke suliniuteqarnerminut taaguuteqartumut 'Masculinity, Care, and Environmental Change: Young Men’s Lives in Greenland'-imut (Anguterpalussutsip avatangiisillu allanngorarneri pillugit angutit kalaallit inuusuttut atugaat pillugit suliniut. aaqq.) Danmarks Frie Forskningsfondimit 3,8 millionit koruuninik ukiup aallartinnerani tunineqarpoq.

Ilisimatusarnermut suliniut, Issittumi Atugarissaarnermut immikkoortortaqarfimmi pisortaq Steven Arnfjord aamma ph.d.-nngorniartoq Dida G. Heilmann suleqatigalugit suliarineqartoq, pingasunik immikkoortortaqarpoq:

Inuusuttut ataatanngortut sammineqarnerisa saniatigut angutit sanngiiffiisa inuunermilu ajornartorsiutaasa inuiaqatigiinni qanoq oqallisigineqartarnerat, angutillu inuusuttut 18-it 29-llu akornanni ukiullit ulluinnarni unammilligaat sammineqarput.

Kenneth Reinicke 2018-imi siullerpaamik Kalaallit Nunaanniippoq. Taamanikkut takornariaavoq, taamanikkulli suiaassutsinik ilisimatooq kalaallit angutitaannut tunngatillugu alapernaatsuunera aallartippoq.

Kenneth Reinickep ataataasut sammineruai, inuusuttullu ataataasut arfinillit maannamut oqaloqatigereerpai, amerlanersaat Kujataaneersuupput. Suli oqaloqatissaqarluaraluarluni, maluginiagaqalereerpoq.

- Ataataasut peqataalluartut, pimoorussisut akisussaassuseqarusuttullu takuakka. Oqaloqatigisama ataatatut suliassartik mersererpasinngilaat, Kenneth Reinicke oqarpoq.

- Akerlianilli aaqqissuussaanikkut pissutsit aalajangersimasut ataataanermik angajoqqaajunermillu ajornakusoortitsisarput, taanna taama oqarpoq.

Ernisarfiit amerlassusii, taakkualu pissutigalugit kalaallit anguterpassuit meeqqami inuuneranni piffissaq atugaannut peqataasinnaajunnaartarnerat assersuutissaqqissut ilagaat.

Nunatsinni ernisarfiit 2002-mi 17-iugaluartut ullumikkut piviusoq allaanerulluinnarpoq. Nunami pisortatigoortumik tallimanik ernisarfeqartoq Peqqinnissaqarfik nittartakkamini allappoq. Qaqortumili Sisimiunilu ernisarfiit siorna ukiup sinnera matoqqasariaqarsimapput.

Aammattaaq naartusut Nuummut timmisartumik erniartortinneqarajupput – assersuutigalugu pilatsilluni ernisussaatilluni. Aappaminnik erniartoqateqarusukkunik aningaasartuutit namminneq akilertarlugulu sulisitsisortik sulinngiffeqarnissaminnik qinnuigisarpaat.

- Anaanaasoq erninissani sapaatip-akunneri pingasut qaammalluunniit sioqqullugu Nuummut timmisartuunneqarpat, ataataasorli assersuutigalugu Narsamiiginnarpat, ataataasutut pisussaaffiup aallartinnera pitsaanerpaanngilaq, Kenneth Reinicke oqarpoq.

Oqaluttuaq alla ataatatut akisussaaffeqarnerup imaannaanngitsuunera pillugu ersersitsisoq tassaavoq aappariit avissaarnerat.

- Aappariittut avissaarnermi attaveqatigiinneq kipineqartartoq ilaasa oqaluttuaraat. Anaanaasoq meeqqani ilagalugit avannaanut nuussimasoq Kujataani apersukkatta ilaat oqaluttuarpoq.

- Soorunami angalanermi isorartussuseq timmisartumullu bilitsit akisuut iliuuseqarfigiuminaatsinneqarsinnaagaluartut ataataasup pisinnaatitaaffii qanoq ittuunersut misissussallugu soqutiginarpoq.

Sooq angutit pillugit ilisimatusarnikkut misissuineq pingaaruteqarpa?

Kenneth Reinicke sooq Kalaallit Nunaanni angutit, angutaassuseq angutillu inissisimaffii pillugit ilisimatusarnissaq pingaaruteqarnersoq Sermitsiap aperimmani ima akivoq:

- Angutit atugarlioraangatta imminnut ajoqusiinnarneq ajorpugut, aammali nakuusertarlutalu atornerluisarpugut. Taamaammat angutit inuunerannik pitsanngorsaanitsigut inuiaqatigiittut iluanaarsinnaavugut.

Oqaluttuarisaanermi angutit nunani killermiut ilisimatuussutsikkut ilisimatusarnermilu suliarpassuarnut ullumikkut ilisimasatsinnut qitiupput. Ingammik nakorsaatitigut ilisimatuussutsimi arnat misissuinerni assigiinngitsuni ikinnerussuteqarput.

Suiaassutsilli pillugit ilisimatusarnermut tunngatillugu — pingaartumik Kalaallit Nunaanni — angutaaneq pillugu ilisimasaqartoqarpallaanngitsoq Kenneth Reinicke oqarpoq.

Ilisimatooq Kenneth Reinicke Narsami misissuilluni aasaq manna suliaqarpoq.

- Angutit angutitut pissuseqalernissaannik perorsarneqarsimanerannut tamassuminngalu oqaluuserinnikkusunnginnerannut attuumassuteqartoq isumaqarpunga. Politikkikkullu ingerlatsiviit angutinut atugassarititaasunik inuunerinillu ukkatarinnissinnaannginnerinit tamanna pissuteqartoq taanna oqarpoq nangillunilu:

- Immaqalu oqaluttuarisaanerup ingerlanerani angutit arnatulli piumaneqartiginnginnerat.

Angutit kalaallit pillugit misissuineq 2030-p tungaanut ingerlassaaq. Kenneth Reinicke maannamut Nuummi, Qaqortumi Narsamilu misissuereerpoq, suliniummulli atatillugu aamma Tunumut avannaanullu angalanissartik takorloorpaa.

Suliaq tamanna qanoq iluaqutigissallugu neriuuteqarpit?

- Ilinniarsimassutsimut, suliffissaqarnermut imminortarnermullu kisitsisit ilisimareerpagut, taanna akivoq

- Angutit kalaallit nipaasa tusarnaartarnerisigut, angutaassuserlu pillugu sunik takorluugaqarnersut aperisarnerisigut, allannguinernut pitsaanerusunut  piusutut malugeriikkannut periarfissiinerussasugut neriuutigaara.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS