Aalisariut Kitsissuarsuit eqqaani kivivoq
Aalisariut Kitsissuisarsuit eqqaani, Aasiaat ungasinngisaani kivivoq. Inuk ataaseq nunamukaanneqartoq ajunngitsorlu Kalaallit Nunaanni Politiit KNR-mut nalunaarutigaa.
Politi
Foto: Leiff Josefsen
Kalaallit Nunaanni Politiit Aasiaat eqqaani Kitsissuarsuit eqqaannit aalisariummit 39 fodsimit maydayimik marlunngornermi nalunaaqutaq 16:58 nalunaaruteqarfigineqarput. Taama KNR nittartakkamini allaaserisaqarpoq.
Aalisariut kivilerluni kalerreereersoq, sumiiffimmi politiit, Issittumi Sakkutooqarfik sumiiffimmilu kommunefogedi annaassiniarnermik suliaqartinneqalertut, pigaartut pisortaat, Aputsiaq Hansen KNR-mut paasissutissiivoq.
Kitsissuarsunni innuttaasut kommunefogedilu ajutoorfiusumut apuummata aalisariutip saava kisimi nuisavoq. Aalisariummillu aquttup isumannaatsumukartinnissaa iluatsinneqarpoq.
Aalisariummi aquttoq pisoqarnerata kingorna ajunngitsoq pigaartut pisortaata KNR-mut paasissutissiissutigaa.
Politiit misissueqqissaarnermik suli suliaqarput, pisoqarnerali ajutoornermik, immaqa malerujussuaqarneranik usillu oqimaannerannik pissuteqarsinnaasoraat.
