NIPILERSORNEQ

Erinarsuut inuunermi malinnaajuartoq

Laura Lennert Jensenip nammineq atini atorlugu erinarsuut saqqummersitaa siulleq oktobarip 23-ani saqqummersissavaa. »Unganeq« immiunneqarnerani anaanaa ajaalu, erinarsuutip immiunneqaqqaarnerani erinarsortut, immiusseqqinnermi peqataapput.

Assi: Dortheivalo

Jette Andersen Jette Andersen Aaqqissuisoq

Saqqummersinneqarpoq 31. Oktobari 2026 - 10:00

Laura Lennert Jensenip atini nammineq atorlugu erinarsuut saqqummersitaa siulleq oktobarip 23-ani saqqummissaaq. Erinarsuut »Unganeq«, anaanaanit ajaanillu ukiut 30-t matuma siorna immiunneqareernikoq, immiuteqqinneqarpoq.

- Anaanama uannit naartunermini taanna immiuppaa, taamaattumik erinarsuut inuunera tamaat malinnaajuarpoq, Laura Lennert Jensen oqaluttuarpoq, taassumalu erinarsuut Henrik Brummerstedtimit taalliarineqartoq Emil Serubabelsenillu erinniarineqartoq arriinnerusumik atorlugu immiuppaa.

Ussassaarut

Laurap ajaata erinnap taallartaa assammik allanneqartoq siulleq qaliani upernaaq manna nassaaraa. Siullermeerluni taallaata allanneqarnera marlunnik verseqarpoq saqqummersinneqaqqaarnerani taakkua ilanngunneqanngillat. Taakku Laura Lennert Jensenip immiussamini ilannguppai, “Eqqaalara / Unganeq”-mik qulequtserlugit.

Aamma anaanaa ajaalu immiusseqataapput, immiussinerlu Athena Lingsimit suliarineqarpoq.

- Nipilersortaleqqaaramali una erinaq immiuteqqinnissaa sinnattoriuaannarnikuugakku assut “full circle moment”-itut misiginarsuaarpoq, Laura Lennert Jensen Facebookimi quppernermini allappoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.