Aammagooq: Nalunaaqutaq akunnermik ataatsimik kinguartinneqassaaq
Sapaatiuppat oktobarip ulluisa 27-ani aasaanerani nalunaaqutaq atorunnaassaaq. Arfininngornerup sapaatillu akornanni, nalunaaqutaq 00:00-inngorpat nalunaaqutaq akunnermik ataatsimik kinguartissaaq 23:00-nngorlugu.
Tamannali Danmarkshavnimut aamma Pituffik Space Basemut atuutinngilaq, taakkumi immikkut malittarisassaqartinneqarput. Taama Naalakkersuisut Siulittaasuata Naalakkersuisoqarfia nalunaaruteqarpoq.
Assiliisoq: Leiff Josefsen
Sapaatiuppat, oktobarip ulluisa 27-anni unnuap qeqqanut nalunaaqutaq akunnemik ataatsimik kinguartissavat.
Aasaanerani nalunaaqutaq pillugu Namminersorlutik Oqartussat nalunaarutaat Danmarkshavnimi aamma Pituffimmi (Pituffik Space Base) nalunaaquttap ingiaqatigiiffianik aalajangersagaq aammalu aasaanerani nalunaaquttap atuussinnaanera pillugit Namminersorlutik Oqartussat nalunaarutaat.
Aasaanerani nalunaaqutaq martsip qaammataani sapaat kingulleq UTC +0 nalunaaqutaa malillugu nal. 01.00 aallartissaaq, tassani Kalaallit Nunaanni nalunaaqutaq nalinginnaasoq malillugu, UTC -2-miilluni, arfininngornerulluni nal. 23.00.
Aasaanerani nalunaaquttap aallartinnerani nalunaaqutaq nalunaaquttap akunnerani ataatsimik siuartinneqassaaq, tassani Kalaallit Nunaannut nalunaaquttap ingiaqatigiiffia UTC -2-miit UTC -1-imut allanngortinneqassalluni, aammalu nalunaaqutaq arfininngorneq nal. 23.00-imiit, sapaammut nal. 00.00-imut allanngortinneqassalluni.
Aasaanerani nalunaaqutaq oktobarip qaammataani sapaat kingulleq UTC +0 nalunaaqutaa malillugu nal. 01.00, atuukkunnaassaaq, tassani Kalaallit Nunaanni nalunaaqutaq piffissap taamaalinerani tassaalluni UTC -1 nalunaaqutaa malillugu sapaat nal. 00.00.
Aasaanerani nalunaaquttap atuukkunnaarnerani Kalaallit Nunaanni nalunaaquttap ingiaqatigiiffiat UTC -1-imiit UTC -2-mut allanngortinneqassaaq, aammalu nalunaaqutaq sapaammi nal. 00.00-imiit, arfininngornermi nal. 23.00-imut allanngortinneqassalluni.
Ukiuni 2024-imiit 2029-mut aasaanerani nalunaaquttap atuuffissai:
