POLITIIT
Aasianni angut savimmik sakkulerluni arnamik saassusseriaraluartoq
Angut Aasianni savimmik sakkulerluni arnamik saassusseriarsimavoq navianartorsiortitsillunilu. Arnaq imminut illersorsinnaasimavoq saassusseriartumiillu qimaasinnaasimalluni. Kalaallit Nunaanni Politiit angummik ilisimannissinnaaasut kinaassusersinissaanillu ikiuussinnaasut attaviginnikkusupput.
Kalaallit Nunaanni Politiit Aasianni innuttaasunik attaveqarusupput, angutip savilersorluni saassusseriarsimasup kinaassusersinissaanut, angut taanna unnuaq arnamik saassussiniarsimavoq Aasianni Sammianermi.
Assi: Leiff Josefsen
Arnaq Aasianni unnuaq aqqusinikkut Sammiarnermi pisuttoq tupatsitaarujussuarsimavoq.
Arnarmi pineqartoq tassanngaannaq angummit savimmik sakkulersortumit saassuteriarneqarsimavoq.
Arnarli imminut illersorsinnaasimavoq angullu ajariarlugu qimaasinnaasimalluni, kingornalu pisoq politiinut nalunaarutigaa nal. 01:08 arfininngornerup unnuaani.
Politiit Kalaallit Nunaanni nakkutilliisuisa pisortaat Preben Kleist ilisimatitsivoq suliamut tunngatillugu inunnik angummik nalunninnginninnaasunik kinaassusersineqarnissaanillu ikiuussinnaasunik attaveqarusuttut:
- Angut kalaallisut isikkulik
- Tuattoq
- 175-178 cm missaani takissusilik
- 19-25 missaani ukiulik
- Tungujortumik dunjakkemik nasartalimmik kavaajalik
- Qarliisa skuuisalu isikkui ilisimaneqanngillat
Innuttaasut angutip qanoq isikkoqarnera matumani saqqummiunneqaartoq aallaavigalugu ilisarinnissinnaasut imaluunniit aamma angutip kinaassusaanik nalunninngissinnaasut qinnuigineqarput Kalaallit Nunaanni Politiinut 701448-mut saaffiginneqquneqarput.
