KL

DK

Aasianni innaallagissiorfiup ikuallannera sarfaarutsitsivoq

Aasianni innaallagissiorfik ikuallammat sisamanngornerup unnuaani sarfaaruttoorneq pivoq.

Politi
Politiit
Thomas Munk Veirum
Tusagassiortoq

Sisamanngornerup unnuaani nalunaaqutaq 02.46 Aasianni innaallagissiorfik ikuallattoq politiit kalerrinneqarput.

Kalaallit Nunaanni Politiit taamatut Facebookimi allapput.

Qatserisartut sukkasuumik qisuariarput ikuallattorlu qaminneqarpoq, illoqarfilli sarfaaruttoorpoq.

Politiit nalunaarutaat naapertorlugu sarfaliornerup aallarteqqinnginnerani innaallagissiorfiup nillusaataa nillorserneqaqqaartariaqarsimavoq.

Nalunaaqutaq 04.15, ikuallattoqarneranik nalunaarutiginninnermit nalunaaquttap-akunnera ataaseq minutsillu 30-t qaangiuttut, illoqarfik sarfaqaqqilerpoq.

samfund grønlands politi elværk strømafbrydelse brand aasiaat inuiaqatigiit

ATORFIIT Se alle jobs

Powered by Labrador CMS