Inuit ingilluarterput USA-llu
naalagaaffiisa annersaanni, Alaskami, qanoq inuttut inuuneq pillugu
tusagaqarnissaminnut piareerlutik.
Inuppassuit ima amerlatigisut Ayyu
Qassatamut tusarnaarniarput, allaat Katuami sulisut kulturikkut illorsuup
initaanit minnernit issiavinnik aallertariaqarlutik.
Inuit ingilluarterput USA-llu
naalagaaffiisa annersaanni, Alaskami, qanoq inuttut inuuneq pillugu
tusagaqarnissaminnut piareerlutik.
Inuppassuit ima amerlatigisut Ayyu
Qassatamut tusarnaarniarput, allaat Katuami sulisut kulturikkut illorsuup
initaanit minnernit issiavinnik aallertariaqarlutik.
Ayyu Qassataq inuppianut
yup’inullu illersorti, arfininngornermi 22. marts qanoq kinaassutsimi oqaluttuarisaanitsinnit
kulturikkullu ileqqutsinnik sanarfineqarsimanera, qanorlu kulturikkut periutsit
pissarsiareqqinnerisa ullumi uagut inuttut peqqissisillutalu uatsinnik
nukittortitsisarnera pillugu oqalugiarpoq.
- Uanga nammineq angalanerma
ilaanik ilissinnik avitseqateqarnissannut ajukkuppunga. Neriuppunga
eqqussagaatit ilunniittullu ilaa ammarsinnaassagaa, taamaalilluni inuittut
immitsinnut qiviarsinnaanitsinnik ikiorsinnaassagaatigut, Ayyu Qassataq
oqaluttuarnini taama aallarnerpaa.
Ayyu Qassatap nalunaaquttap
akunnerani affarmilu qitimmik erinarsornermillu kulturikkut ileqqutoqqanik
aallussisinnaannginnermik misigissuseq ilaatigut oqalugiaatigaa.
- Peroriartorninni aanaga sooq
nunap inoqqaavisut erinarsorlutalu qitissinnaannginnitsinnik aperaara.
Ileqqutoqqat tammartut aanaga akivoq. Peerussimapput. Tamakkunannga
apeqquteqassannginnera ersareqaaq. Kinaassutsitsinnik avissaarsimaneq
malugaara, taanna oqaluttuarpoq.
Oqaatsini nalugai
Ayyu Qassatap tusarnaartuni
kalaallit isigai, usoralugillu oqarluni. Namminneq oqaatsitik atorlugit oqalussinnaammata
usorai, oqarlunilu nammineq oqaatsiminik oqalussinnaanani.
- Nammineq oqaatsikka ukiumut
marlussoriaannarlunga tusartarpakka. Suut tamarmik tuluttut ingerlapput, taanna
oqarpoq.
Inuit sikiimipput issianerminnilu
aalassallutik. Arnat ilaat qullilivoq. Qullini noqissinnaanngilai.
- Attortinnarpoq uinnarlunilu,
Christa Vahl, oqalugiarnerup kingorna AG-p naapimmani oqarpoq.
- Uummatikkut eqqortippunga. Eqqortinnarpoq
amerlasuutigut assersuutigalugu uanga sooq ullumikkut taamatut
pissuseqartarnikka qisuariaatikka, misigissutsikkut qanoq aamma eqqugaatiginera. Paasisinnaavakka
siulikka namminiussusertik sooq atorsinnaasimanngikkaat. Kinaassusertik
katassimaneranik ingerlaqqittut uagutsinnut, Christa Vahl nassuiaavoq.
Ayyu Qassatap naggasiinermini
misigineq, annaasanik akuersineq aliasunnerlu oqaluuserai; kikkut tamaasa
tikkuarlugit oqarfigisinnaannginneri; ilissi pisuullusi ullumikkut
kinaassuserput kulturerpullu sorsuutigaarput, kinguaarit arlallit matuma siorna
pisimanera pissutigalugu.
-
Inuttarput peqqittoq tamatta ilutsinneereerpoq. Qamaneereerpoq, Ayyu Qassataq
oqapoq.
