NITTARTAKKATIGUT sorsuttartut pillugit ernumanarnerpaat
ilagaat tamanut ammasumik oqallinnermut peqataanissamut
akornutaasinnaasunik avatangiisinik aserorsaarisumik pilersitsisinnaanerat. Qassimmita saassunneqarnissartik annilaangagalugu allaaserisaq ikkutarluunniit oqaaseqarfigerusunneq ajorpaat? Tamanna oqallinnermi naligiikkunnaarsitsisarpoq, taamaallaat nipituumik sakkortunerpaamillu oqaaseqartut tusaaneqarsinnaallutik, oqaaseqaatillu assigiinngiiaartut ineriartornartullu nipangersinneqartarlutik.
AG-P SAPAATIP-AKUNNERINI kingullerni nunanit allanit suliartortut sammivai. Allaaserisat taakku tusagassiorfiup nittartagaani Facebookimilu quppernermi akeqarlutik saqqummersinneqarput. Tassani nittartakkatigut sorsuttartut ersarissorujussuarmik nuimapput. Akunnermi siullermi ajunngilaq, taavali
uumissuisumik oqaaseqaatit takkussuupput.
NITTARTAKKATIGUT sorsuttartut pillugit ernumanarnerpaat
ilagaat tamanut ammasumik oqallinnermut peqataanissamut
akornutaasinnaasunik avatangiisinik aserorsaarisumik pilersitsisinnaanerat. Qassimmita saassunneqarnissartik annilaangagalugu allaaserisaq ikkutarluunniit oqaaseqarfigerusunneq ajorpaat? Tamanna oqallinnermi naligiikkunnaarsitsisarpoq, taamaallaat nipituumik sakkortunerpaamillu oqaaseqartut tusaaneqarsinnaallutik, oqaaseqaatillu assigiinngiiaartut ineriartornartullu nipangersinneqartarlutik.
AG-P SAPAATIP-AKUNNERINI kingullerni nunanit allanit suliartortut sammivai. Allaaserisat taakku tusagassiorfiup nittartagaani Facebookimilu quppernermi akeqarlutik saqqummersinneqarput. Tassani nittartakkatigut sorsuttartut ersarissorujussuarmik nuimapput. Akunnermi siullermi ajunngilaq, taavali
uumissuisumik oqaaseqaatit takkussuupput.
INUIT misiginneqataanermik peqanngitsut namminnerlu ajornartorsiutiminnik kisimi eqqarsaatiginnittut oqaaseqaateqarput,
sulisullu nunanit allaneersut atornerlunneqarnerat nuannaarutigeqalugu aalajangersimasumik ersersitsipput. Alla neriuppoq
pissutsit taamaannerat nunanit allaneersut Kalaallit Nunaannut
suliartornissaannik tunuarsimaartitsilissasoq.
SUSOQARTORUNA? Nuna inoqatinik inuppalaanngitsumik pinnittartoq qanoq tulluusimaarutigineqarsinnaava? Allat ukkatariunnaarlugit immissinnut qivialaaritsi. Silarsuarmi ajornartorsiornerup nalaani kikkut tamarmik ajornartorsiorput. Maaniinnaanngilaq. Tamatta akiuuppugut. Aamma piffissami taamaattumi inuit ataasiakkaat inunnik ajortumik pinnittarneri pisariaqartinngilluinnarpavut.
NITTARTAKKATIGUT sorsuttartut qanoq iliuuseqarfigineqarsinnaappat? Pingaarnerpaamik paasisariaqarparput akisussaassuseqarnissaq pingaaruteqarluinnartoq. Facebooki allallu inoqatinut attaveqaatit akisussaaffeqarnerusariaqarput, imarisallu
aqussinnaasariaqarpaat ileqqorissaarnissamullu malittarisassat
malinneqarnissaat qulakkeertariaqarlugu. Tamanna killilersuinissamik isumaqanngilaq, oqallinnissamulli toqqissisimanartumik inissisimaffeqalernissamik isumaqarpoq, inuit tamarmik
malersorneqarnissamik siooranatik nipaat tusarneqarsinnaallutik.
INTERNETIMIK atuisuusugut aamma akisussaaffeqarpugut. Internetimi misigissutsinut tiguartianarsinnaavoq, eqqaamasariaqarparpulli inuit piviusut internetimik atuisuummata. Ataqqinninnermik misigeqataanermillu kulturi ineriartortittariaqarparput, isummat assigiinngitsut akuerisariaqarpavut pissuserissaarlunilu oqallinnissamut piumassuseqartariaqarluta.
KIISALU imminut immitsinnullu isornartorsiuilluni eqqarsarsinnaanermik ilinniartittariaqarpugut. Paasissutissat eqqunngitsut
ilisimaatsuunerup silarsuaani ingerlalluartarput, najoqqutassanillu isornartorsiuillaqqissigaluttuinnartilluta paasissutissallu piviusuunersut paasiniarnerujartortillugit, nittartakkatigut sorsuttartut pissaaneerukkiartulissapput.
INTERNET silarsuaq tamakkerlugu paasinninnissamut suleqatigiinnermullu tunngaviusinnaavoq. Tamattali nukiit aserorsaataasut nunarsuarmik sorsuffinngortitsisinnaasut akiortariaqarpavut.
Suleqatigiilluta digitalikkut silarsuaq ineriartornartumik ataqqinnittumillu oqalliffiusoq pilersitsigu – nittartakkatigullu sorsuttartut naalakkersuisinnaatitaaffiginngisaat pilersitsigu.
