KL

DK

Amerlanerussuteqartut kommunip avinneqarnissaa taasissutigaat

Avannaata Kommunia avinneqartariaqarpoq, innuttaasut amerlanerit marlunngormat tamanna pillugu taasisitsinermi peqataasut taama isumaqarput.

- Silamut anorimullu akersuullutik taasiartorsimasunut qujanarujussuaq. Maannakkut najukkatsinni nunamilu tamarmi suleriaqqinnissatsinnut atortussaqalerpugut isumaqangaartunik, innuttaasunik taasititsinerup kingorna borgmesteri Palle Jerimiassen oqarpoq.
Thomas Munk Veirum
Tusagassiortoq
Saqqummersinneqarpoq

Avannaata Kommuniata avinneqarnissaanut marlunngormat innuttaasunik taasisitsisoqarpoq.

Taasisitsineq siunnerfiliisuuvoq, kommunillu aaqqissuussaanerata naammaginannginnera pissutigalugu ingerlanneqarluni.

Kommunip qinersinermi kisitsisaatai naapertorlugit innuttaasut 2999-it, tassa qinersisinnaasut 37,8 procentii, taasisimapput.

Inuit 92 procentii avissaarnissamut akuersisimapput, 8 procentillu naaggaarlutik.

Innuttaasut peqataasut borgmesterip Palle Jerimiassenip qutsavigai:

- Silamut anorimullu akersuullutik taasiartorsimasunut qujanarujussuaq. Maannakkut najukkatsinni nunamilu tamarmi suleriaqqinnissatsinnut atortussaqalerpugut isumaqangaartunik, kommunip nittartagaa naapertorlugu borgmester Palle Jeremiassen oqarpoq.

Siunnerfiliisumik innuttaasunik taasititsinerup inerneri Inatsisartunut ingerlateqqinneqassapput.

- Neriuppugut maangaaniit taasinerit Kalaallit Nunaani kommunit siunissami isikkussaannut sunniuteqaqataassasut, borgmesteri oqarpoq.

2014-imi taamanikkut Qaasuitsup Kommuniani assingusumik taasisoqarpoq. Tassani aamma amerlanerussuteqarluartut kommunip avinnissaa akueraat, taamaalillunilu Avannaata Kommunianut Kommune Qeqertalimmullu avinneqarpoq.

palle jerimiassen samfund inuiaqatigiit inatsisartut folkeafstemning avannaata kommunia kommunestruktur

ATORFIIT Se alle jobs

Powered by Labrador CMS