KL

DK

Kalaallit naligiimmik pineqarnissaat Danskit naalakkersuisuisa siuarsarniarpaat, assigiinngisitsinerlu akiorlugu

Nunanut allanut aamma nunasisunut inuiaqatigiinnut akulerutsitsinermut Ministereqarfik 2027-mut 2028-mullu suliniutinut, nutaanut 6,6 mio. koruuninik immikkoortitsivoq. Suliniutit Danmarkimi kalaallinut naligiissitaanermik siuarsaanissamut, assigiinngisitsinerullu akiornissaanut suliniutit siunertaqarput. 

Qarsoq Høegh-Dam (Naleraq) aamma Naaja H. Nathanielsen (IA) tamarmik Danmarkimi kalaallit ammip qalipaataa tunngavigalugu immikkoortinneqartarnerat akiorniarlugu danskit naalallersuisuisa suliniutaannut nutaanut tapersiipput.
Trine Juncher Jørgensen TUSAGASSIORTOQ / TUSAGASSIORTOQ
Saqqummersinneqarpoq

Danskit naalakkersuisuisa Danmarkimi kalaallit najugaqartut naligiimmik pineqartarnissaat siuarsarniarlugu kiisalu assigiinngisitsisarneq akiorniarnissaanut ukiuni tulliuttuni marlunni 6,6 mio. koruuninik, immikkoortitsipput. Tamanna Nunanut allanut aamma nunasisunut inuiaqatigiinnut akulerutsitsinermut ministereqarfiup tusagassiutitigut nalunaarutaani atuarneqarsinnaavoq.

Oqartussani nutserisunik ikiuineq pillugu pitsaanerusumik siunnersuinissaannut, kalaallisut paasissutissiinissamut, naligiissitaanermut ataqatigiissaarisumik atorfinitsitsinissamut aamma kalaallinut illersuisunik ikiorsiissutit nukittorsaasoqarnissaanut, aningaasat ilaatigut atorneqassapput.

Danskit naalakkersuisuisa Danmarkimi kalaallit najugaqartut naligiimmik pineqartarnissaat siuarsarniarlugu kiisalu assigiinngisitsisarneq akiorniarnissaanut ukiuni tulliuttuni marlunni 6,6 mio. koruuninik, immikkoortitsipput. Tamanna Nunanut allanut aamma nunasisunut inuiaqatigiinnut akulerutsitsinermut ministereqarfiup tusagassiutitigut nalunaarutaani atuarneqarsinnaavoq.

Naligiissitaanermik siuarsaanissamut kalaallinillu immikkoortitsinerup akiornissaanut suliniutit arfineq-pingasut

Suliniut 1: Kalaallinut maani najugaqartunut oqalutseqarnissamut pissarsinissamut pi umasaqaatit malillugit pisussaaffiit pillugit pisortat suliffeqarfiini sulisunut siunnersui nermut atortut

Suliniut 2: Ilitsersuinermut eqqaasitsissummik ”paarsisutut allakkat”-tut iluseqartumik pisortanut pisariaqartunut nassiussineq

Suliniut 3: Kalaallit maani najugaqartunut naligiimmik pineqarnissaannut ataqatigiissaa rineq

Suliniut 4: Naligiissitaanermut ataqatigiissaarineq kalaallinut maani najugaqartunut

Suliniut 5: Kalaallit maani najguaqartunut illersuisoqarnerup Nukittorsarneqarneranik ingerlatitseqqiineq

Suliniut 6: Kalaallit illuini atuarnermik nukittorsaanerup ingerlateqqinneqarnera

Suliniut 7: Peqatigiiffik Tikiusaamut tapersersuineq

Suliniut 8: Ammip qalipaataanik immikkoortitsineq pillugu misissuinermut ilassut

Tigulaariffik: https://uim.dk/media/rwudbrbr/initiativer-til-at-fremme-ligebehandling-og-bekaempe-diskrimination-mod-groenlaendere.pdf

Oqartussani nutserisunik ikiuineq pillugu pitsaanerusumik siunnersuinissaannut, kalaallisut paasissutissiinissamut, naligiissitaanermut ataqatigiissaarisumik atorfinitsitsinissamut aamma kalaallinut illersuisunik ikiorsiissutit nukittorsaasoqarnissaanut, aningaasat ilaatigut atorneqassapput.

Tamatuma saniatigut kalaallit kulturiat oqaluttuarisaanerallu pillugit ilinniartitsineq annertusineqassaaq, kiisalu kalaallit danskillu akornanni ataatsimoornermut tapersersuineq annertusineqassalluni. Assigiinngisitsineq tunngavigalugu immikkoortitsisarneq aammalu kalaallit atassuteqarnerat misissuiffigineqassaaq. 

Danmarkimi kalaallit nalitut pineqarnissaat, pitsaanerusumik ikiorneqartarnissaat, ataqqinnittumillu assigiinngisitsinermik pineqarneqartannginnissaat siunertaasoq, Ministereqarfik nalunaarpoq.

Kalaallit folketingimut ilaasortaatitaat Qarsoq Høegh-Dam (Naleraq) aamma Naaja H. Nathanielsen (IA) nunanut allanut aamma nunasisut inuiaqatigiinnut akulerutsinneqarnissaanut ministeri Morten Bødskov (S) suliniutit pillugit oqaloqatigisimavaat, taakkualu qanoq piviusunngortinneqarnersut oqaaseqarfigalugu.

"Tikiusaaq"-mut aningaasaliissutit 

Naaja H. Nathanielsenip peqatigiiffimmut "Tikiusaaq"-mut kiisalu Danmarkimi Kalaallit Illuisa ilinniartitsinermut sullissiviinut aningaasaliisoqarnissaa kissaatigaa, tamannalu akuersissutigineqarpoq. 


"Kalaallit pillugit/Danmarkimi kalaallinut ammip qalipaataanik immikkoortitsinermut ingerlaartumik akiuiniarneq naligiimmik ataqqeqatigiimmillu atassuteqarneruvoq. Inuit Ataqatigiit siunertamut suliniutit tamarmik taamaammat tapersersorpai. Tamanna atuuppoq systemip inuit inoqqaavisut piginnaatitaaffitsinnut ilisimanninnerannut nukittorsaatitut suliniutaannillu, inuit akornanni naapitsinernut tapersiutaasinnaasunut suliniutinut nukittorsaavoq. Taamaammat nuannaarpugut, peqatigiiffitsinnut ”Tiki-usaaq”-mut Kalaallillu Illuisa atuarnermi kiffartuussiviinut aningaasat kissaativut tusarneqarsimammata, suliniutaat ataqatigiilersitsinermik paasititsiniaanerannut sulini-utaat inummiit inummut naapitsinerat annerusumik paasinnissinnaanermut ataqqin-nittumillu kinguneqarumaarpoq," Naaja H. Nathanielsen oqarpoq, Qarsoq Høegh-Damilu kalaallit atassuteqarnerinut misissuisoqarnissaa qilanaaraa. 

"Inuit inoqqaavisut pisinnaatitaaffivut eqqartorneqartillugit, pisinnaatitaaffitsinnut, pisariaqartillugu, ilisimasaqarnissarputtaaq pingaarpoq, kiisalu kinaassutsitta at-tuumassuteqarnittalu nammineq ilisimaarinissaat. Taamaammat pingaaruteqartumik alloriarneruvoq, qanoq Kalaallit Danmarkimi najugaqartut Kalaallit Nunatsinnut ka-laallillu inuit inoqqaavisut attuumassuteqarnitta misigineqarnerat pillugu paasisaqarne-rulissagatta maanna." 

Suliniutit taakku aqqutigalugit naalakkersuisut immikkoortitaasa, nunatsinni najugaqartunut kalaallit pillugit assigiinngisitsisarnerup akiornissaanut immikkoortitat sinneruttut 6,1 millionit koruunit 2027-mi 2028-milu atorneqassapput, kiisalu 2027-mi 0,4 mio. kr.-inik 2028-milu 0,1 mio. kr.-inik aningaasaliisoqaqqissalluni.  

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

danmarkimi kalaallit assigiinngisitsineq naligiissitaaneq inuiaqatigiit naaja h. nathanielsen danskit naalakkersuisui

Atorfiit tamaasa takukkit

PODCASTI

Powered by Labrador CMS