Kalaallit
Nunaani angerlarsimaffeqanngitsunik kisitsineq kingullermik 2022-imi
ingerlanneqarmat angerlarsimaffeqanngitsut 491-iusut paasineqarpoq,
taakkunannga angutit 356-ipput arnallu 135-ullutik.
Kisitsinerillu ukiut
kingulliit ingerlanneqarsimanngikkaluartut angerlarsimaffeqanngitsut suli
amerlasoorujussuartut ilisimaneqarpoq.
Kalaallit
Nunaani angerlarsimaffeqanngitsunik kisitsineq kingullermik 2022-imi
ingerlanneqarmat angerlarsimaffeqanngitsut 491-iusut paasineqarpoq,
taakkunannga angutit 356-ipput arnallu 135-ullutik.
Kisitsinerillu ukiut
kingulliit ingerlanneqarsimanngikkaluartut angerlarsimaffeqanngitsut suli
amerlasoorujussuartut ilisimaneqarpoq.
2022-mi misissuineq taanna llimmarfimmi
ilisimatuunit ingerlanneqarpoq, kisiannili ersinngitsumik
angerlarsimaffeqanngitsunik kisitsinissaq ajornakusoormat, kisitsisit suli amerlanerunissaat
ilisimatuunit ilimagineqarpoq.
Kommunit
tallimaasut angerlarsimaffeqanngitsut pillugit suli nalunaarsuuteqanngillat,
taamaattumik ilaqutariit meerartallit angerlarsimaffeqanngitsut
qasserpiaanersut nalunaarutigineqarsinnaanngitsoq, Isumaginninnermut,
Suliffeqarnermut, Nunamullu Namminermut Avatangiisinullu Naalakkersuisoq
Bentiaraq Ottosen, Atassut, Inatsisartunut ilaasortap Hans Enoksenip, Naleraq,
angerlarsimaffeqanngitsut pillugit paragraf 37 atorlugu apeqqutaanut
akissuteqarluni ilaatigut taamak allappoq.
Ajornartorsiut
siammasissoq
2022-mi
Kommuneqarfik Sermersuumi angerlarsimaffeqanngitsut amerlanerpaapput
258-iullutik, taakkunannga angutit 185-iupput arnallu 73-iullutik, Kommune
Kujalleq tulliulluni inissisimavoq angerlarsimaffeqanngitsut 106-iullutik,
taakkunannga angutit 77-iullutik arnallu 29-ullutik. Avannaata Kommuuniani
angerlarsimaffeqanngitsut 87-iupput, taakkunannga angutit 64-iullutik arnallu
23-ullutik, Qeqqata Kommuniani katillugit 24-t, taakkunannga arnat
sisamaallutik, kiisalu Kommune Qeqertalimmi angerlarsimaffeqanngitsut
ikinnerpaapput 16-iullutik, taakkunannga angutit quliullutik arnallu arfinillit
- taamaalilluni angerlarsimaffeqanngitsuuneq kommunini tamani siammasissumik
ajornartorsiutaasoq misissuinerup takutippaa.
Angerlarsimaffeqanngitsuuneq
pillugu periusissiaq
Angerlarsimaffeqanngitsuuneq
pillugu periusissiaq 13-inik immikkoortoqartoq 2023-mi Naalakkersuisut
saqqummiuppaat, taannalu pingasunngorlugu avinneqarpoq, tassa siullertut
innuttaasunut atugarliortunut angerlarsimaffeqanngitsunullu
najugaqartitsinissamut suliniutit, aappaattut angerlarsimaffeqanngitsunut
pitsaaliuineq, ikiuineq tapersersuinerlu pingajuattullu ilisimasat
ilisimasanillu avitseqatigiinneq.
Angerlarsimaffeqanngitsuuneq
pillugu periusissiami angerlarsimaffeqanngitsut ikilisinneqarnissaat,
angerlarsimaffeqanngitsuunerup nunatsinni annertuumik ajornartorsiutaanerata
nassuerutiginissaa, ajornartorsiutillu kommunini pinaveersimatinneqarlunilu iliuuseqarfigineqarnissaa
anguniakkanut ilaavoq. Angerlarsimaffeqanngitsut inuunermut pitsaanerusumut
aqqutissiuunneqarnissaat siunertaralugu siunnersuinerup tapersersuinerullu
pitsaanerulernissaata saniatigut, Housing First-imik taaguuteqartoq aamma atuutilersinneqarpoq,
tassanilu innuttaasut ineqarnerminnut imaluunniit inissaminnik
tunineqarnerminnut atatillugu annertunerusumik ikiorneqartarnissaat
siunertaavoq.
Kalaallit
Nunaanni angerlarsimaffeqannginneq akiorniarlugu kommuunit
suliniuteqarnissaanut Naalakkersuisut tapersiinissaminnut periarfissaqartut,
Bentiaraq Ottosen paasissutissiivoq.
- Angerlarsimaffeqanngitsuuneq
pillugu periusissiaq tunngavigalugu ineqarneq pillugu suliniummik
Naalakkersuisut pilersitsipput, taannalu aqqutigalugu angerlarsimaffeqanngitsut
15-it ukioq kingulleq februaarimi, misiliutitullu suliniut taanna Kommuneqarfik
Sermersooq aamma Naalakkersuisut suleqatigiillutik suliaraat, Isumaginninnermut
Naalakkersuisoq oqarpoq.
lnissianik
attartorneq pillugu peqqussummi paragraf 22 malillugu, kommuunit
isumaginninnermut siunertaqartumik inissianik tunniussisinnaapput, aamma
kommuunit ineqarnermut tassungalu attuumassuteqartut aningaasartuutit
akilertussaavaat.
Akuersaarneqanngitsoq
Kalaallit
Nunaanni angerlarsimaffeqanngitsut amerlassusaat nunanut allanut naleqqiullugu
annertoorujussuusoq, tamannalu akuersaarneqarsinnaanngitsoq,
Angerlarsimaffeqanngitsuuneq pillugu periusissiaq 2023-mi
saqqummiunneqarneranut atatillugu, taamanikkut Isumaginninnermut,
Suliffeqarnermut Nunamullu Namminermut Naalakkersuisup, Jess Svanep, Siumut,
oqaatigaa.
- Angerlarsimaffeqanngitsut
amerlassusaat qaffasissoq ilaatigut pissuteqarsinnaavoq, innuttaasut
ilaqutariillu atugarliortut annerusumik ikiorneqarnissamik pisariaqartitsisut,
kiisalu oqartussat tungaanniit ullumikkumiit neqeroorutigineqartumit
eqeersimaarnerusumik aamma ornigunnerusumik suliniuteqarnissaq.
- Angerlarsimaffeqanngitsuuneq
pillugu periusissiap ajornartorsiutit taakkorpiaat sillimaffiginiarpai,
politikkikkullu siammasissumik isumaqataaffiusunik aaqqiissutissat pillugit
oqallinnissamut aallarniilluni, Jess Svane
taamanikkut oqarpoq.
Innuttaasut
isumaginninnikkut ajornartorsiutiminnik ikiorneqarsimannginnerat
angerlarsimaffeqanngitsunngornermik amerlanertigut kinguneqartartoq,
Angerlarsimaffeqanngitsuuneq pillugu periusissiami eqqaaneqarpoq.
