Angerlarsimaffimmi eqqissiviilliortoqarnerani aallaasersortoqarneranilu angut tigusarineqartoq
Politiit Ittoqqortoormiini aallaasersortoqarneranik nalunaaruteqartoqarmat marlunngornerup unnuaani najukkamut ornigupput.
Politiit
Assiliisoq: Leiff Josefsen
Angut 30-t missaannik ukiulik Ittoqqortoormiini marlunngornermi ullaakkut tigusarineqarpoq.
Angerlarsimaffimmi eqqissiviilliorneq pillugu aallaasersortoqarneranillu nalunaarutiginnittoqareersorlu Ittoqortoormiinilu angut tigusarineqarpoq.
Najukkami eqqissiviilliortoqartoq Politiit nalunaaqutaq 02.32 nalunaarfigineqartut politiinit Anette Ostenfeldt Sermitsiamut oqarpoq, sivitsunngitsorlu nalunaarfigineqaqqillutik najukkami tassani aamma aallaasersortoqarsimavoq.
Politiit paasissutissaataat naapertorlugit silaannarmut eqqartoqarsimavoq, inunnut pinnani. Qanorli pisoqarsimanersoq politiit paasiniaaneranni nalunaaquttap-akunnerini tulliuttuni paasinarsissaaq .
Taamaattumik marlunngormat ullaakkut angut tigusarineqartoq sumik unnerluutigineqarnersoq suli ilisimaneqanngilaq.
Pisoq inunnik ajoqusiinermik kinguneqanngitsoq politiit ilanngullugu paasissutissiissutigaat.
