Angut biilerluni ajutooreernermini ajoqusertoq — imigassartorsimalluni biilersimasoq pasineqarpoq
Biilinik ajutoortoeqarsimanera pissutigalugu aqqusineq 400-talik tallimanngornermi ullaakkut matugallarneqarpoq. aqqusinermi angallannermi ajutoortoqarsimanera pissutigalugu. Assersuinerli angallannermut akornutaarujussuassanngitsoq politiit naliliipput.
Assiliisoq: Leiff Josefsen
Tallimanngornermi ullaakkut nalunaaqutaq 05.51 Nuummi aqqusinermi 400-mi aqqusinermi angallannermi ajutoortoqarneranik Kalaallit Nunaanni Politiit nalunaarfigineqarput.
Ajutoorneq Sarfaannguit aqqusernerata KNR-illu eqqaani nermallaap akornanni pisoq pigaartut pisortaat Jeppe Andsager oqarpoq.
Aqqusineq tallimanngornermi ullaakkut assersorneqaqqavoq, politiilli naatsorsuutigaat aqqusineq qanittukkut ammaqqinneqassasoq.
Biilertulli Nuussuarmit sullorsuakkoorlutik illoqarfiliartut saamimmut suli sangusariaqartasapput. Taamaattumik pigaartut pisortaata ilimagaa ullaakkut angallanneq akornuserujussuarneqarani ingerlassasoq, naak assersuisoqaraluartoq.
Biilit ataatsit ajutoorsimapput angullu 25-nik ukiulik ajoqusersimasoq inuunerali navianartorsiunngitsoq Jeppe Andsager oqarpoq.
Angut biiliminik qullilerfimmut aporsimavoq, aalakoorlunilu biilersimasoq politiinit pasineqarpoq.
