Angut hashimik kokainimillu anngiortumik eqqussuisimasutut erngertumik pineqaatissinneqarpoq
Angut ikiaroornartunik eqqussisimasutut ukioq ataaseq qaammatillu pingasut pineqaatissinneqarsimasunut inissiisarfimmiittussassanngortinneqarpoq.
Assiliisoq: Leiff Josefsen
Angut hashimik kokainimillu anngiortumik eqqussuisimasutut ingerlaannaq eqqartuunneqarpoq
Angut Kangerlussuarmi ilanngaaserisunit timimigut misissorneqartilluni timaaniittoqartoq paasineqarmat sisamanngornermat tigusarineqarpoq
Angut hashimik 100 grammimik kokainimillu 34 grammimik iioraalluni anngiortumik eqqusseriaraluarsimasoq paasineqarpoq.
Kalaallit Nunaanni Politiinit Carl Sværd Sermitsiamut paasissutissiivoq.
Angut taanna 40-t missaannik ukioqarpoq, Danmarkiminngaanneerpoq Nuummilu najugaqarluni.
Angut tallimanngornermi eqqartuussivimmut sassartinneqarpoq, tassanilu ukiumi ataatsimi qaammatinilu pingasuni pineqaatissinneqarsimasunut inissiisarfimmiittussanngorlugu erngertumik pineqaatissinneqarluni.
Angut pineqaatissinneqarsimasunut inissiisarfimmut inissinneqarnissami tungaanut maanna tigummigallarneqarpoq.
