Angut nikallungalluni aallartoq periarfeerunneqartoq

Angut 35-t missaanni ukiulik politiinit ujaarineqarpoq.

Angut Tasiilamiit sisamanngornermi ullaap tungaani nalunaaqutap qulit aqqarngullu akornanni aallartoq unnukkut nal. 22.37 periarfeerunneqartoq nalunaarutigineqartoq, pigaartut pisortaat Carl Sværd oqarpoq.

Angut umiatsiaaqqamik Yamarin 6600-mik, 28 fodsimik takissusilimmik, aallarpoq Tiniteqilaallu eqqaani Sermiliullu Kangerluani takuneqarsimalluni:

- Takuneqarsimappat sumiinneraniluunniit ilisimaneqarpat saaffigineqarsinnaavugut, Carl Sværd oqarpoq.

ATV-t pingasut aallarunneqartut - politiit malersuiunnaartariaqartut

Angutip periarfeerunneqartup saniatigut Kalaallit Nunaanni Politiit ullormi kingullermi imigassartorsimanermut tunngasunik arlalinnik suliaqarput.

Sisimiuni ATV-t pingasut aallarunneqarsimasut pigaartut pisortaata aamma oqaatigaa.

Tillinniartoqarnera nalunaaqutaq 02.44 nalunaarutigineqarpoq, politiillu ornigummata inuit arfinillit ATV-nik pingasunik tillittut qimaasut malersorneqarput.

Inuit ATV-eerlutik qimaasut arlaleriarlutik apungajattaarmata Politiit malersuineq ulorianarpallartutut nalilerlugu unitsippaat.

Pisumi tamatumani politiit pinerluuteqarsimasunik ilisimannittunik takunnissimasinnaasunilluunniit ujartuipput.

Politiit 70 14 48-mut attaveqarfigineqarsinnaapput.