HASHIMIK EQQUSSERIARNEQ
Angut qaammatini qulingiluani parnaarussivimmiittussanngortinneqarluni eqqartuunneqarpoq
Angut 40-t sinnerlugit ukiulik hashimik 2,3 kilomik eqqussisimasutut qaammatini qulingiluani pineqaatissinneqarsimasunut inissiisarfimmiittussanngortinneqarpoq.
Angut 40-t sinnerlugit ukiulik hashimik eqqussisimasutut qaammatini qulingiluani pineqaatissinneqarsimasunut inissiisarfimmiittussanngortinneqarpoq. Angut iperagaagallarpoq, maannalu pineqaatissiissutimi naammassinissaa utaqqivaa.
Leiff Josefsen
Angut 40-t sinnerlugit ukiulik hashimik 2,3 kilomik Kalaallit Nunaannut eqqussisimasoq qaammatini qulingiluani pineqaatissinneqarsimasut inissiisarfianniittussanngortinneqassasoq, Sermersuup Eqqartuussiviani aalajangerneqarpoq.
Kalaallit Nunaanni Politiit taamatut paasissutissiipput.
Angut arfininngormat Kangerlussuarmi tigusarineqarpoq, nassataanilu hashi 2,3 kilo nassaarineqarpoq. Angut sapaatiummat Sermersuup Eqqartuussivianut sassartinneqarpoq, ingerlaannarlu qaammatini qulingiluani pineqaatissinneqarsimalluni, Kalaallit Nunaanni Politiini pigaartut pisortaat Anette Ostenfeldt, ilisimatitsivoq.
Angut arfininngormat Danmarkimit Kangerlussuarmut aallarpoq, maannalu iperagaavoq pillaatisiassamilu naammassinissaa utaqqissavaa.
