Angut savimmik kapisisimasutut tigummigallarneqartoq
Angut 55-inik ukiulik savimmik kapisisimasutut eqqartuussivimmut sassartinneqarmat tigummigallagassanngortinneqarpoq.
Assi: Leiff Josefsen
Angut 37-nik ukiulik Uummannap eqqaani nunaqarfimmi Ukkusissani arfininngormat ualikkut savimmik kapineqarpoq.
Politiit angut 55-inik ukiulik pinerluuteqarsimasutut pasisaq tigusaraat, taannalu eqqartuussivimmut sassartinneqarnermi kingorna ulluni 28-ni tigummigallarneqartussanngortinneqartoq, Kalaallit Nunaanni Politiineersup Poul Kreutzmannip Sermitsiamut ilisimatitsissutigaa.
37-nik ukiulik sapaatiummat ullaap tungaani Uummannap peqqissaavianukaanneqarpoq.
Pigaartut pisortaat pisoq pillugu maanna oqaaseqaqqissinnaanngikkallarpoq.
