Angut toqutseriarsimasutut pasisaq sapaatit-akunnerini sisamani tigummigallagassanngortinneqartoq
Angut 44-nik ukiulik toqutseriarsimasutut sapaatip-akunnerini sisamani tigummigallarneqarpoq.
Arkivfoto: Leiff Josefsen
Angut 44-nik ukiulik angummut 49-nik ukiulimmut toqutseriarsimasutut pasineqarluni sapaatit-akunnerini sisamani tigummigallagassanngortinneqarpoq. Kalaallit Nunaanni Politiit pigaartuisa pisortaat Heine Jacobsen Sermitsiamut paasissutissiivoq.
Angut pingasunngornermi oktobarip arfineq-pingajuani unnuaannarmi aallaasersorluni toqutseriarsimasutut unnerluutigineqarpoq. Nuup ilaani Qinngorpumi tamanna pivoq.
Tigusarineqartoq pingasunngornermi ualikkut eqqartuussivimmut sassartinneqarmat tigummigallarneqarnissaa aalajangiunneqarpoq.
Politiit suliaq suli misissuiffigigamikkut oqaaseqaqqissinnaanngillat.
