KL

DK

Angutip 22-nik ukiullip toqutsisimasutut killiligaanngitsumik pineqaatissinneqarnera attatiinnarneqartoq

Angut inuusuttoq toqutsisimasutut, pinngitsaaliisimasutut allanillu pinerluuteqarsimasutut killiligaanngitsumik pineqaatissinneqarpoq. Nunatta Eqqartuussisuuneqarfiani sisamanngornermi aalajangerneqarpoq.

Morten Okkels Morten Okkels Tusagassiortoq
Saqqummersinneqarpoq

Peqqarniitsumik toqutsisoqarneranik suliami killiligaanngitsumik pineqaatissiisoqarnera Nunatta Eqqartuussisuuneqarfiani attatiinnarneqartussanngorlugu aalajangiiffigineqarluni sisamanngornermi ullaakkut nalunaaqutaq qulinut naammassineqarpoq. Suliaq ataasinngormat aallartinneqarpoq.

Angut inuusuttoq ukiut marluk matuma siorna Nuummi Blok O-mi arnamik utoqqarmik toqutsinermi kingorna 2024-mi ukiakkut Eqqartuussisoqarfik Sermersuumi killiligaanngitsumik pineqaatissinneqarneranut suliaq tunngavoq.

Toqutsinerup saniatigut arnaq aamma pinngitsaalisimavaa, kingornalu toqungasoq sipisimavaa inaalu ikuallallugu.

Pisut sakkortussusaat tunngavigalugu angut 22-nik ukiulik pineqaatissiissummik annerpaamik eqqartuunneqarpoq..

- Eqqartuussisoqarfiup pineqaatissiissutaa isumaqatigaarput. Naak inuusukkaluartutit allamillu pinerluuteqarsimanngikkaluartutit, Eqqartuussisoq Ole Græsbøll Olesen oqarpoq.

inuiaqatigiinneq inuiaqatigiit landsret nuuk toqusoq

Atorfiit tamaasa takukkit

– Se alle jobs

Powered by Labrador CMS