Angutit marluk savilersortut tigusarineqartut

Nuup illoqarfiata ilaani Nuussuarmi savimmik kapisisoqarsimaneranik politiit sapaatip unnuaani nalunaarfigineqarput.

Kalaallit Nunaanni Politiit pigaartuisa pisortaat Aqqalu Petersen Sermitsiamut paasissutissiivoq.

Pigaartut pisortaat naapertorlugu inissiami savilersortoqarpoq, politiillu nalunaaqutaq 00.25 nalunaarfigineqarlutik.

Angutit marluk pasineqartut tigusarineqarput, eqqartuussivimmilu killisiorneqarlutik tigummigallarneqarnissaat aalajangerneqarpoq.

Taakku marluk toqutseriarsimasutut unnerluutigineqarput.

Misissuineq suli ingerlammat pigaartut pisortaat suliaq pillugu, aamma saassunneqartup qanoq innera pillugu, annertunerusumik oqaaseqarsinnaanngilaq.