Anorersuarnissaanik ilimasaarut timmisartuussinernut sunniuteqarpoq

Anorersuarnissaanik ilimasaarut pissutigalugu Air Greenlandip Nuummiit timmisartuussinissani sisamanngormat taamaatiinnarpai.

Air Greenland
Sisamanngornermi Nuummit timmisartuussinerit amerlanersaat taamaatiinnarneqartut, Air Greenlandip nittartagaani allassimavoq.

DMI-p Nuummi silassamik ilimasaarutaa naapertorlugu sisamanngornermi anori sekundimut 23 meterit missaannik sakkortussuseqassaaq, ullup-qeqqatalu nalaani 32 meterit missaannik sakkortussuseqassalluni. Tamatumalu saniatigut siallingaatsiassalluni.

Taamatut ilimasaaruteqarneq Air Greenlandimut timmisartuussinissanik amerlanernik Nuummit nuutsitsisariaqartitsisimavoq, timmisartortitseqatigiiffik nittartakkamini allappoq.

Ilaasut angalanissaat pingasunngormamut imaluunniit sapaatip-akunnerata ingerlanerani kingusinnerusumut aallarnissamut nuunneqarput.

- Angalasussat kinguaattoortut tamarmik kingusinnerpaamik aqagu pingasunngorneq junip 26-anni nalunaaqutaq sisamanngortinnagu nuutsinneqassapput.

DMI naapertorlugu sisamanngornerup unnuaani anori sakkukillissaaq.



Powered by Labrador CMS