Aperujussuarnera pissutaalluni aqqusineq matuneqartoq
Nuup Qinngorpullu akornanni aqqusineq nittaalarujussuaq pissutigalugu marlunngornermi unnukkut matuneqarpoq.
Arkaleriami assiliartaa: Leiff Josefsen
Nuummi qatserisartut politiillu qamuteralallutik marlunngormat unnukkut ulappupput.
Aperujussuarnera pissutigalugu biilit arlallit Borgmester Anniitap Aqqusernani, Nuup Qinngorpullu akornanniittumi, marrissimapput. Politiit pigaartuat Carl Sværd taama paasissutissiivoq.
Apivallaarnera pissutigalugu aqqusineq matugallarneqarpoq, aputaajaasullu angummanniarniassammata pisariaqanngitsumik illoqarfimmi angallattoqaqqunagu politiit kajumissaaripput.
Carl Sværd naapertorlugu unnuap annersaani aputaajaasut ulappusimapput, pingasunngornermilu ullaakkut angallannermi ajornartorsiuteqartoqarneranik politiit nalunaarfigineqarsimanngillat.
