Arctic DTU pisortanik nutaanik marlunnik atorfinitsitsivoq

Aqutsisut nutaat marluk Kalaallit Nunaanni misilittagallit Arctic DTU-p pitsanngorsarnissaanik suleqataassapput. DTU tusagassiutinut nalunaarummi allappoq:

– Mie Hylstofte Sichlau Winding Arctic DTU-p ineriartortinnissaanut iliusissatullu pilersaarutaanut akisussaasunngussaaq. Kalaallit Nunaanni Silap Pissusianik Ilisimatusarfimmi pisortatut atuuffimmeersuuvoq, nunamilu ukiorpassuarni sulinikuulluni.

– Tanja Nielsen Arctic Campusimi septembarip aallaqqaataani pisortanngussaaq. DTU-p Campus Sisimiuni suliaqarnerani Arctic DTU-mi atorfillit Tanja Nielsenip akisussaaffilissavai.

DTU tassaavoq Danmarks Tekniske Universitet, Arctic DTU-lu tassaavoq ilisimatusarfiup Issittumi suliniuteqarnerulernissaa anguniarlugu immikkoortortaqarfik. Arctic DTU Lyngbymi Sisimiunilu immikkoortortaqarfeqarpoq.

Tanja Nielsen Aarhusimi Kalaallit Illuutaanni pisortaanikuuvoq. Inuunera sulineralu pillugit allaaserisaq maajimi 2025-mi maani saqqummerpoq. Ataani atuarsinnaavat.

AAMMA ATUARUK

»Periarfissarpassuaqarpunga«