Arctic Hub-imut siulersuisut nutaat toqqarneqarput

Arctic Hub, Ilisimatusarnermut, ilinniartitaanermut, nutaaliornermut, inuussutissarsiornermut inuiaqatigiinnullu ataatsimoorfeqalernissaq pilersinniarlugu pilersinneqarsimasoq, nutaanik siulersuisuni ilaasortaqalerpoq.

Siulersuisunut ilaasortassanik nutaanik sisamanngornermi juulip sisamaani Naalakkersuisut toqqaapput.

Ilaasortat toqqakkat ukuupput:

• Nuunu Ludvikka Johansen Jeremiassen, SIP-ip siulitaasua, Sulinermik Inuussutissarsiuteqartut Katuffiat (SIK)

• Elna Thomsen Heilmann, Ilinniartitsisut Meeqqat Atuarfianneersut Kattuffiani (IMAK) siulittaasoq

• Frederik Larsen, Nunatta Katersugaasiviani Allagaateqarfianilu pisortaq

Danmarkimi Ilinniartitaanermut Ilisimatusarnermullu ministeriaqarfimmi Naalakkersuisut akornanni suleqatigiinnissamut isumaqatigiissiortoqarnerata kingunerisaanik Arctic Hub 2020-mi pilersinneqarpoq.

- Ilisimatusarnerup annertusiartortumik Kalaallit Nunaanni aallaaveqarnissaa aamma attanneqarsinnaasumik inuiaqatigiinnik ineriartortitsineq anguniarlugit Arctic Hub kalaallinit, danskinit nunanilu tamalaani Issittumi ilisimatusartunut Issittumilu soqutigisaqartunut immikkuullarissumik katersuuffissaatut atuuffeqassaaq, Namminersorlutik Oqartussat tusagassiuutinut nalunaarummi allapput.

Ilaasortanngorlaat ilisimatusarnermik inuiaqatigiinni siammarterissasut taamatullu Kalaallit Nunaanni aamma Kalaallit Nunaat pillugu ilisimatusarnermut tunngatillugu suliat innuttaasunit peqataaffigineqarlutillu iluaquteqartussanngortissagaat, Naalakkersuisup Vivian Motzfeldtip neriuutigaa.

Kalaallit Nunaanit siulersuisunut ilaasortat saniatigut Danmarkimiit Arctic Hubimut sisamanik ilaasortaqalerpoq:

• Ulrik S. Korsholm, DMI-mi pisortap tullia  – Danmarks Meteorologiske Institut
• Torben Røjle Christensen, Greenland Ecosystem Monitoring and Zackenberg Research Stationimi  ilisimatusartunut pisortaq
• Lise-Lotte Terp, CEO & Founder ProConsi International
• Ditte Mesick, Uddannelses- og forskningsstyrelsenimi pisortap tullia